Бугун,

  • USD 11095.31
  • RUB 173.84
  • EUR 10772.44

Қўшиқчи Алла Пугачёва ўзининг Россиядаги сўнгги компаниясини тугатиш жараёнини бошлади, деб хабар беради «Октагон» нашри.

Фото: «РИА Новости»

Фото: «РИА Новости»

СПАРК маълумотлар базасига қараганда, акцияларининг 100 фоизи Пугачёвага тегишли бўлган «АБП» МЧЖни тугатиш ҳақидаги ариза 23 ноябрь куни берилган. Компания овоз ёзиш ва мусиқий асарлар чиқариш, телевизион ва радио узатув, маълумотлар базаси ва ахборот ресурсларини яратиш ва улардан фойдаланиш каби соҳаларда фаолият олиб бориш ҳуқуқига эга. Пугачёванинг Россияда «АБП»дан ташқари фаол компаниялари йўқ.

Россия Украинада махсус операция бошлагач, Алла Пугачёва ва унинг турмуш ўртоғи Максим Галкин фарзандлари билан бирга Исроилга жўнаб кетди. Хонанда «дам олиш ва даволаниш» мақсадида кетганини маълум қилганди. Августда эса Пугачёва Россияга қайтиб келди.

Галкин ижтимоий тармоқларда ва концертлари чоғида кўп бора Москванинг хатти-ҳаракатларига қарши чиққан. Россия президентининг матбуот котиби Дмитрий Песков унинг гапларини «ахлоқсиз» деб атади. Айни вақтда Песков Пугачёванинг ўзидан бирорта ҳам баёнот эшитмаганини айтди. «Турмуш ўртоғи эса — ҳа, у билан йўлларимиз кесишмаганлиги аниқ, эри жуда ёмон гаплар гапирди», — деган эди президент матбуот котиби.

Сентябрь ўрталарида Россия адлия вазирлиги Галкинни хорижий агентлар рўйхатига киритди. Идора талқинига кўра, артист «сиёсий фаолиятини амалга оширишда» Украинадан молиявий кўмак олган. Шундан кейин Пугачёва эрини қўллаб-қувватлаб пост ёзди ва уни ҳам бу рўйхатга қўшишларини сўради.

Алла Пугачёва 29 сентябрь куни кенжа фарзандлари билан бирга хусусий самолётда Россияни тарк этганди.

Кейинроқ у Исроил паспортини олгани, Россиядаги қасрини эса сотувга қўйгани хабар берилди. Шунингдек, унинг қўшиқлари радиотўлқинлардан олиб ташланди.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов