Бугун,

  • USD 11095.31
  • RUB 173.84
  • EUR 10772.44

Alibaba компанияси асосчиси, миллиардер Жек Ма Хитойни тарк этган ва қарийб ярим йилдан буён Токиода яшамоқда. Бу ҳақда Financial Times қачонлардир Хитойдаги энг бой бизнесмен бўлган Манинг яшаш жойидан хабардор манбаларига таяниб маълум қилди.

Фото: EPA

Фото: EPA

Газета қайд этишича, Жек Ма «Пекиннинг мамлакат технологик секторига ва унинг энг нуфузли тадбиркорларига нисбатан давом этаётган босими фонида» Хитойдан кетган.

Манбаларга кўра, Ма Японияга оиласи, шахсий ошпази ва қўриқчилари билан бирга жўнаб кетган. Газета ёзишича, бизнесмен ўзини панада тутиб, Токиодаги хусусий клубларга боради, «коллекционерликка мукасидан кетган» ва «бирон нарса билан шуғулланиб вақт ўтказиш учун» акварель билан чизишни бошлаган. FT маълумотларига кўра, Ма Токиодаги иссиқ булоқлар ва тоғ-чанғи курортларига боради, шунингдек, АҚШ ва Исроилга мунтазам сафар қилиб туради.

Жек Ма 2020 йил октябрида Шанхайдаги конференцияда нутқ сўзлаб, Хитой регуляторларини танқид қилгани ва давлат банкларини «Ломбард менталитети»да айблаганидан кейин омма олдида кўриниш бермай қўйганди. Шундан кейин молиявий регуляторлар Мани суҳбатга чақирган.

Воқеадан кейин бир ой ўтиб, бизнесмен ўзининг Ant Group молиявий технологиялар компаниясининг биржага чиқишини сўнгги лаҳзада кечиктирди, унинг IPO’си тарихдаги энг йириги бўлиши мумкин эди. 2021 йилда Хитой ҳукумати Alibaba’ни монополияга қарши қонунчиликни бузгани учун 2,8 миллиард долларлик жаримага тортди, бу мамлакат учун рекорд сумма ҳисобланади.

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Маҳаллий
Шавкат Мирзиёев ҳарбий хизматга навбатдаги чақирув бўйича қарорни имзолади