Марказий банк Ўзбекистоннинг қайси ҳудудларида нархлар кўпроқ ўсганини маълум қилди. 2022 йилнинг октябрь ойида йиллик инфляция даражаси 12,2 фоизни, озиқ-овқат маҳсулотлари инфляцияси эса 15,9 фоизни ташкил этди.
Ҳудудлар кесимида, 7 та ҳудудда умумий ва озиқ-овқат инфляция кўрсаткичлари мамлакат бўйича ўртача инфляциядан баландроқ бўлди.
Умумий инфляция қолган ҳудудларга нисбатан баландроқ бўлган ҳудудлар:
- Қорақалпоғистон Республикаси;
- Навоий;
- Фарғона;
- Сирдарё;
- Сурхондарё;
- Бухоро вилоятлари;
- Тошкент шаҳри.
Озиқ-овқат нархлари ўсиши суръатлари қолган ҳудудларга нисбатан юқорироқ ҳудудлар:
- Қорақалпоғистон Республикаси;
- Сурхондарё;
- Сирдарё;
- Навоий;
- Андижон;
- Наманган;
- Фарғона вилоятлари.
Аввалроқ Ўзбекистонда 2023 йилда мева ва сабзавотлар нархи жиддий ўсиши кутилаётгани ҳақида хабар берилган эди.
Изоҳ (0)