Ўзбекистонда истеъмолчиларга тўланган кэшбэклар миқдори 602 миллиард сўмдан ошди. Бу ҳақда Давларт солиқ қўмитаси хабар бермоқда.
Қайд этилишича, октябрь ойи учун 1,2 млн нафар истеъмолчига 82,2 млрд сўм кэшбэк тўланган. Сентябрь ойида ҳам 1,2 млн нафар истеъмолчига 84,9 млрд сўм миқдорида кэшбэк тўлаб берилган эди. Бу ҳозирча рекорд бўлиб турибди.
Шунингдек, камчиликлар бартараф этилиши натижасида январь—сентябрь ойлари учун яна 1,5 млрд сўм кэшбэк тасдиқланган.
Йил бошидан буён 1 506 906 нафар фуқаро 602,9 млрд сўм кэшбэк олди.
Фойдаланувчи шахсини аниқлаш ва хавфсизлик мақсадида 500 000 сўмдан ортиқ кэшбэк маблағларини банк картасига ўтказишда Face ID (авторизация) дан ўтиш талаб этилади.
Аввалроқ Ўзбекистонда онлайн кассалар орқали берилган чекларни таҳрирлашга рухсат берилган эди.