Ички ишлар вазирлиги 2022 йилнинг январь—октябрь ойларида фуқаролар ҳамда чет эллик шахслар томонидан содир этилган учувчисиз учиш аппаратларини олиб кириш билан боғлиқ қонунбузарликлар ҳақида хабар берди.
Қайд этилишича, 10 ойда Транспорт ва туризм объектларида хавфсизликни таъминлаш департаменти томонидан Ўзбекистон ҳудудига дронларни ноқонуний олиб киргани учун 22 киши, жумладан, 21 нафар чет эллик шахс жиноий жавобгарликка тортилган.
Аниқланган ҳолатлар юзасидан жиноятларнинг сабаблари ва уларнинг содир этилишига имкон берган шарт-шароитлар ўрганилган. Бунда бошқа омиллар билан бир қаторда, аксарият ҳолларда мамлакатга келаётган чет эл фуқаролари УУАларини олиб кириш бўйича ўрнатилган тартиб-қоидаларни билмасдан, божхона чегараси ўтказиш пунктларидан «яшил» йўлак орқали ўтиб, бу каби қурилмаларни тўсиқларсиз олиб киргани маълум бўлган.
Изоҳ (0)