Бугун,

  • USD 11095.31
  • RUB 173.84
  • EUR 10772.44

Украина аҳолисининг катта қисми Евроиттифоққа аъзо бўлиш учун чироқсиз ва иссиқлик таъминотисиз яшашга тайёрлигини билдирган. Бу ҳақда Украина президенти Владимир Зеленскийнинг рафиқаси Елена Зеленская BBC’га берган интервьюсида маълум қилди.

Фото: Getty Images

Фото: Getty Images

Унинг сўзларига кўра, ўтган ҳафта Украинада ижтимоий тадқиқот ўтказилиб, мамлакат аҳолисидан яна қанча вақт бундай шароитда яшашга рози бўлиши ҳақида сўралган.

«Биламиз, агар уйларимизда иссиқлик бўлмаса, қиш мавсуми биз учун яна бир синовга айланади. Украиналикларнинг аксарияти, яъни сўралганларнинг 90 фоизи эса, агар Евроиттифоққа аъзо бўлиш истиқболи реал бўлса, яна икки-уч йил чидашга тайёрлигини билдирди. Улар ушбу Европа оиласининг тенг ҳуқуқли аъзосига айланишни хоҳлайди», — деди Зеленская ва блэкаут — Украина билан юз бериши мумкин бўлган энг даҳшатли нарса эмаслигини таъкидлади.

Унинг қайд этишича, украиналиклар нимани деб сабр қилишни билади ва ўз мамлакати келажагига оптимизм билан қарайди.

Россия Мудофаа вазирлиги 10 октябрдан буён Украинанинг ҳарбий ва энергетика объектларига мунтазам ракета зарбалари бериб келмоқда ва буни 8 октябрь куни Керч бўғозидаги Қрим кўприги портлатилишига жавоб деб атамоқда.

Украина ҳукумати маълумотларига кўра, 15 ноябрь куни Россия мамлакат энергетика тизимига уруш бошидан буён энг кучли зарбани берган. Ўққа тутишлар фонида Украинада электр энергияси вақти-вақти билан ўчириб қўйилмоқда.

Бундай ҳужумларнинг сўнггиси 23 ноябрда содир бўлди. Зеленскийнинг айтишича, Россия 67 та ракета учирган, оқибатда Киев, Одесса ва Чернигов вилоятлари электрдан узилиб қолган.

Россия президенти матбуот котиби Дмитрий Песков Украинанинг кўплаб ҳудудларида чироқ ва иссиқлик йўқлигини музокаралардан бош тортаётган Киев ҳукумати хатти-ҳаракатлари оқибати деб атади.

Ўз навбатида, Украина Энергетика вазирлиги ракета зарбаларидан кейин мамлакат аҳолисининг аксарияти электрдан узилиб қолганини маълум қилди. Зарбалардан сўнг Украинанинг учта атом электр станцияси энергия тизимидан узиб қўйилди. «Укрэнерго» миллий энергетика компанияси бошқарув раиси Владимир Кудрицкий 23 ноябрдаги ҳужумдан аввалроқ мамлакатда зарар кўрмаган иссиқлик ва гидроэлектро станциялари қолмаганини айтганди. Зеленский эса энергетик билан боғлиқ вазиятни оғир деб атади.

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Маҳаллий
Шавкат Мирзиёев ҳарбий хизматга навбатдаги чақирув бўйича қарорни имзолади