Шавкат Мирзиёевнинг тегишли фармонлари билан Ғофуржон Мирзаев президентнинг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси лавозимига тайинланди. Бу ҳақда Шерзод Асадов хабар берди.
Шу муносабат билан у Сирдарё вилояти ҳокими лавозимидан озод этилди.
Маълумот учун, Мирзаев Ғофуржон Ғаниевич 1964 йил 21 апрелда Фарғона вилоятида туғилган. 1990 йилда Тошкент политехника институтини муҳандис-электрик мутахассислиги бўйича тамомлаган. 2000 йилда Тошкент давлат иқтисодиёт университетини (сиртқи) иқтисодчи мутахассислиги бўйича битирган.
Ғофуржон Мирзаев
- 1990—1994 йилларда Боғдод дон маҳсулотлари комбинати созловчиси, автоматика муҳандиси, раис ўринбосари;
- 1994—1997 йилларда Боғдод тумани ҳокимининг қурилиш, саноат, транспорт ва алоқа масалалари бўйича ўринбосари;
- 1997—1998 йилларда Ўздонмаҳсулот давлат акциядорлик корпорасияси қурилиш, янги технологиялар ва модернизасия бош бошқармаси бошлиғи;
- 1998—2000 йилларда Дон маҳсулотлари ишлаб чиқарувчиларининг Фарғона акциядорлик уюшмаси раиси;
- 2000—2003 йилларда Ўздонмаҳсулот давлат акциядорлик корпорасияси қурилиш, янги технологиялар ва модернизасия бош бошқармаси бошлиғи;
- 2003—2011 йилларда Президент девони Ташкилий-назорат хизмати ҳудудий органлар билан ишлаш гуруҳи етакчи инспектори;
- 2011 йилда қисқа муддат Президент девони Ташкилий-кадрлар хизмати давлат ҳокимияти ҳудудий органлари шўъбаси етакчи инспектори;
- 2011—2016 йилларда Президент девони Ташкилий-кадрлар хизмати давлат ҳокимияти ҳудудий органлари шўъбаси бош инспектори лавозимларида фаолият олиб борган.
Мавзуга доир: Русланбек Давлетов президент маслаҳатчиси бўлди
Изоҳ (0)