Berkshire Hathaway раҳбари, миллиардер инвестор Уоррен Баффет ўз компаниясининг 758 миллион долларлик акцияларини хайрия ишларига совға қилди. Бу ҳақда сармоя фонди ҳисоботларига таяниб Bloomberg хабар бермоқда.
Ҳужжатга кўра, Баффет бизнесменнинг 2004 йилда вафот этган рафиқаси номи билан аталган Сюзан Томпсон Баффет жамғармасига 1,5 миллион дона Б тоифали акцияларни хайрия қилган.
Миллиардер Говард Г. Баффет фондига (Баффетнинг ўртанча ўғли Ховард томонидан бошқариладиган), Шервуд фондига ва НоВо фондига яна 300 мингта акцияни совға қилган.
Август ойида 92 ёшга тўлган Баффет Forbes талқинига кўра сайёрадаги энг бой бизнесменлар орасида бешинчи ўринда туради. Унинг бойлиги 110,2 миллиард долларга баҳоланган. Миллиардер 1965 йилдан бери Berkshire Hathaway компаниясини бошқариб келади.
2006 йилда у инвестиция компаниясидаги барча акцияларини, яъни бойлигининг 99 фоиздан ортиғини умрининг охиригача хайрия ишларига топширишга ваъда берганди.
2021 йил июнь ойида Баффет ўз мақсадининг 50 фоизига эришганини маълум қилди. Миллиардернинг таъкидлашича, ўзи ёки оиласи учун ҳақиқий фойда келтирмайдиган пулларни тарқатиш «дунёдаги энг осон иш».
Ўнлаб йиллар давомида мен ўзим ёқтирган иш билан шуғулланиб, деярли ақл бовар қилмайдиган бойликни тўпладим, — дейди Баффет.
Аввалроқ Amazon асосчиси ўз бойлигининг катта қисмини хайрия қилмоқчилигини маълум қилганди.
Изоҳ (0)