Қозоғистон тенгеси етакчи валюталарни Россия биржасидан сиқиб чиқармоқда

Москва биржасида Қозоғистон тенгесига инвесторларнинг фаоллиги мисли кўрилмаган даражага етди. Бу ҳақда «Коммерсантъ» хабар бермоқда.

Ўтган ҳафтада ушбу валютадаги савдо ҳажми 4,2 миллиард рублдан ошди, бу ёздагидан бир неча баравар юқори. Кўрсаткичнинг ўсишига, биринчи навбатда, ташқи савдода миллий валютага ўтаётган компания ва банклар томонидан талабнинг ортиб бораётгани ёрдам бермоқда.

18 ноябрь куни Москва биржасида Қозоғистон тенгеси бўйича савдолар ҳажми эртага етказиб бериш билан бирга 1,13 миллиард рублни ташкил этди. Бу валюта муомаласининг бутун даври учун максимал кўрсаткичдир. 

Умуман олганда, ўтган ҳафтада инвесторлар Қозоғистон тенгесини 4,2 миллиард рублга сотди, бу ўтган ҳафтага нисбатан 7 фоизга ва ёз ойлари қийматидан 3-4 баравар юқори.

Инвесторлар фаоллигининг тенгедаги ортиши умумий пасайиш фонида юз берди.

Москва биржаси маълумотларига кўра, ўтган ҳафтада асосий валюта жуфтликлари билан савдолар ҳажми 857,2 миллиард рублни ташкил этган, бу эса олдинги ҳафтга нисбатан 100 миллиард рублга кўп дегани. 

Куз ойларида инвесторлар фақат ноябрь ва сентябрь ойларининг биринчи ҳафтасида камроқ савдо қилди — мос равишда 735 миллиард рубль ва 782 миллиард рубль.