Саудия Арабистони ва бошқа ОПЕК+ аъзолари нефть қазиб олиш ҳажмини кунига 500 минг баррелгача оширишни кўриб чиқмоқда. Бу ҳақда ташкилот аъзоларига таяниб, The Wall Street Journal (WSJ) хабар бермоқда.
Қарор ОПЕК+ йиғилишида 4 декабрда қабул қилиниши мумкин. Эртаси куни, 5 декабрь куни G7 давлатлари Россия нефтига нарх чегарасини жорий этиш ниятида.
WSJ манбаларига кўра, ишлаб чиқариш квотаси яқинлашиб келаётган совуқ об-ҳаво ва шунга мос равишда ресурсга бўлган талабнинг ортиши муносабати билан оширилади.
2023 йилнинг биринчи чорагида нефтга бўлган талаб кунига 1,69 миллион баррелга ошиб, 101,3 миллион баррелга етиши кутилмоқда.
Бугун, 21 ноябрь куни WSJ нашри фонида Brent нефтининг нархи бир баррель учун 83 доллардан пастга тушди. WTI нефтининг январь фьючерслари 4,53 фоизга тушиб, баррелига 76,48 долларни ташкил қилди.
5 октябрь куни ОПЕК+ давлатлари нефть қазиб олиш ҳажмини кунига 2 миллион баррелга қисқартиришга келишиб олганди.
Изоҳ (0)