“Davlat xaridlari portali yangi shaklda ishga tushadi” — Timur Ishmetov

O‘zbekistonda 2023-yil 1-yanvardan davlat xaridlari portali yangi shaklda ishga tushiriladi. Bu haqda Moliya vaziri Timur Ishmetov Senat yalpi majlisida ma’lum qildi, deya xabar bermoqda “Daryo” muxbiri

Timur Ishmetovning aytishicha, portalning hozirgi shakli oddiy foydalanuvchi uchun murakkablik qiladi.

Moliya vazirligida davlat xaridlarida kuzatilayotgan kamchiliklarni berkitishdan manfaat yo‘q. Buning isboti sifatida davlat xaridlari portali yaratilgan. U yerda hamma ma’lumotlar bor. Biz bu portalni qayta ishlab chiqdik. Keyingi yil 1-yanvardan portal yangi shaklda ishga tushadi. Buning o‘ziga xos tomoni — endi barcha ma’lumotlar tahlili bilan chiqiladigan bo‘ladi. Chunki platformada ma’lumotlar juda ham ko‘p. Ularni tushunish oddiy foydalanuvchi uchun qiyinlik qiladi. Shuning uchun, bu portal takomillashgan holda ishga tushadi.