15 ноябрь куни Россия армияси Украинанинг йирик шаҳарларидаги муҳим инфратузилма объектларини ўққа тутди. Бунинг оқибатида «Укрэнерго» бутун мамлакат бўйлаб фавқулодда электр таъминотини ўчиришни бошлади ва 15 ноябрь кунги зарбалар «энергетика сектори тарихидаги энг йириги» эканини таъкидлади. Украина Қуролли кучлари маълумотларига кўра, Украина шаҳарларига жами юзга яқин ракета учиб келган.
АҚШ разведкасининг юқори мартабали мулозими Associated Press агентлигига айтишича, Россия ракеталари гўёки Польшага, Украина билан чегарага яқинига қулаган. Россия Мудофаа вазирлиги рус ракеталари ҳақидаги хабарларни провокация деб атади. АҚШ президенти Жо Байденнинг айтишича, ракеталар Россия ҳудудидан учирилгани эҳтимоли кам. АҚШ маъмуриятининг аноним уч нафар расмийси АПъга Польшада қулаган ракета Украина ҳаво ҳужумидан мудофаа кучлари томонидан Россия ракетасини уриб тушириш учун учирилганини айтди. Украинанинг Брянск вилоятидаги Шебекино шаҳри ўққа тутилиши оқибатида тўрт киши ҳалок бўлди.
Meduza урушнинг 265-кунига оид асосий фотосуратларни тақдим этди.
Куннинг асосий воқеаси. Украина бўйлаб ракета зарбалари берилди
Россия ҳужуми пайтида ерости ўтиш йўлагида яшириниб турган киевликлар.Фото: AFP
Ўт ўчирувчилар Россия ракетаси қулаган уй яқинида, Киев.Фото: Reuters
Киевнинг Печерск туманидаги ўққа тутилган турар жой биносида ишлаётган ўт ўчирувчилар. «Ракета урилган уйлардан бирида қутқарувчилар бир кишининг жасадни топди. Қутқарув-қидирув ишлари давом этмоқда», — деди 15 ноябрь куни Киев мери Виталий Кличко.Фото: Anadolu
Киевда электр узилган пайт. Кўп қаватли уйларнинг аҳолиси квартираларини шам ва чироқлар билан ёритмоқда. Президент офиси раҳбари ўринбосари Кирилл Тимошенконинг маълум қилишича, Россиянинг 90 та ракетасидан 70 таси уриб туширилган, бироқ 7 миллиондан ортиқ украиналиклар инфратузилмадаги зарбалар туфайли электр таъминотисиз қолган.Фото: AP Photo
Львовликлар бомбапаноҳда столни смартфон фонари билан ёритиб, карта ўйнамоқда.Фото: EPA
Электрсиз қолган тунги Львов.Фото: Reuters
Херсон вилоятида Россия истилоси пайтида ҳалок бўлганларнинг жасадларини қидириш
Украиналик ҳарбийлар Херсон вилоятининг Александровка посёлкасида россияликлар истилоси чоғида ҳалок бўлган кишининг жасадини юкламоқда. Ҳарбийларнинг жасадлари алоҳида белги қўйилган қопларга солинади. Етти ойдан ошиқ давом этган истилодан кейин, 10 ноябрь куни ушбу посёлка Украина назоратига қайтди. Халқ депутати Алексий Гончаренко Александровка истилодан кейин вайрон бўлгани, кўчаларда ёниб кетган техника ва машиналар қолгани, посёлкани аҳоли тарк этганини хабар қилган.Фото: SIPA
Украиналик ҳарбийлар Александровкада жасадларни олиб кетмоқда.Фото: SIPA
Александровкада қопга солинган жасад ва ўққа тутилган автомобиль.Фото: SIPA
Херсон ва Чернобаевкада Россия истилосининг излари
Харьков вилоятининг Волчанск шаҳрида қамоқхона сифатида фойдаланилган бинода россиялик ҳарбийлар томонидан қўлга олинган маҳаллий аҳоли вакиллари қолдирган ёзувлар. ОАВ хабарига кўра, маҳаллий агрегат заводи ҳудудида қамоқхона ташкил этилган. Украин кучлари Волчанскни сентябрь ойи ўрталаридаги қарши ҳужум давомида озод этган.Фото: EPA
Россия кучлари Херсондан чекингач, тергов изолятори ҳудудида россиялик ҳарбий хизматчилар томонидан ўғирланган кир ювиш машиналари, унитазлар ва музлаткичлар топилди.Фото: Reuters
Украин ҳарбийлари Чернобаевка қишлоғида зарбага учраган россияликлар танкини кўздан кечирмоқда. Ноябрь ойи ўрталарида Украина Қуролли кучлари узоқ давом этган жанглардан кейин ушбу ҳудудни ўз назоратига қайтарди.Фото: AP Photo
Изоҳ (0)