Ukrainaga yangi raketa hujumlarining oqibatlari, Xersonda topilayotgan jasadlar. Urushning 265-kunidan fotoreportaj
15-noyabr kuni Rossiya armiyasi Ukrainaning yirik shaharlaridagi muhim infratuzilma obyektlarini o‘qqa tutdi. Buning oqibatida “Ukrenergo” butun mamlakat bo‘ylab favqulodda elektr ta’minotini o‘chirishni boshladi va 15-noyabr kungi zarbalar “energetika sektori tarixidagi eng yirigi” ekanini ta’kidladi. Ukraina Qurolli kuchlari ma’lumotlariga ko‘ra, Ukraina shaharlariga jami yuzga yaqin raketa uchib kelgan.
AQSH razvedkasining yuqori martabali mulozimi Associated Press agentligiga aytishicha, Rossiya raketalari go‘yoki Polshaga, Ukraina bilan chegaraga yaqiniga qulagan. Rossiya Mudofaa vazirligi rus raketalari haqidagi xabarlarni provokatsiya deb atadi. AQSH prezidenti Jo Baydenning aytishicha, raketalar Rossiya hududidan uchirilgani ehtimoli kam. AQSH ma’muriyatining anonim uch nafar rasmiysi AP’ga Polshada qulagan raketa Ukraina havo hujumidan mudofaa kuchlari tomonidan Rossiya raketasini urib tushirish uchun uchirilganini aytdi. Ukrainaning Bryansk viloyatidagi Shebekino shahri o‘qqa tutilishi oqibatida to‘rt kishi halok bo‘ldi.
Meduza urushning 265-kuniga oid asosiy fotosuratlarni taqdim etdi.
Kunning asosiy voqeasi. Ukraina bo‘ylab raketa zarbalari berildi
Rossiya hujumi paytida yerosti o‘tish yo‘lagida yashirinib turgan kiyevliklar.Foto: AFP
Kiyevda o‘t o‘chiruvchilar raketa hujumidan shikastlangan turar joy binosidagi yong‘inni o‘chirmoqda.Foto: Reuters
O‘t o‘chiruvchilar Rossiya raketasi qulagan uy yaqinida, Kiyev.Foto: Reuters
Kiyevning Pechersk tumanidagi o‘qqa tutilgan turar joy binosida ishlayotgan o‘t o‘chiruvchilar. “Raketa urilgan uylardan birida qutqaruvchilar bir kishining jasadni topdi. Qutqaruv-qidiruv ishlari davom etmoqda”, — dedi 15-noyabr kuni Kiyev meri Vitaliy Klichko.Foto: Anadolu
Kiyevda elektr uzilgan payt. Ko‘p qavatli uylarning aholisi kvartiralarini sham va chiroqlar bilan yoritmoqda. Prezident ofisi rahbari o‘rinbosari Kirill Timoshenkoning ma’lum qilishicha, Rossiyaning 90 ta raketasidan 70 tasi urib tushirilgan, biroq 7 milliondan ortiq ukrainaliklar infratuzilmadagi zarbalar tufayli elektr ta’minotisiz qolgan.Foto: AP Photo
Lvovliklar bombapanohda stolni smartfon fonari bilan yoritib, karta o‘ynamoqda.Foto: EPA
Elektrsiz qolgan tungi Lvov.Foto: Reuters
Xerson viloyatida Rossiya istilosi paytida halok bo‘lganlarning jasadlarini qidirish
Ukrainalik harbiylar Xerson viloyatining Aleksandrovka posyolkasida rossiyaliklar istilosi chog‘ida halok bo‘lgan kishining jasadini yuklamoqda. Harbiylarning jasadlari alohida belgi qo‘yilgan qoplarga solinadi. Yetti oydan oshiq davom etgan istilodan keyin, 10-noyabr kuni ushbu posyolka Ukraina nazoratiga qaytdi. Xalq deputati Aleksiy Goncharenko Aleksandrovka istilodan keyin vayron bo‘lgani, ko‘chalarda yonib ketgan texnika va mashinalar qolgani, posyolkani aholi tark etganini xabar qilgan.Foto: SIPA
Ukrainalik harbiylar Aleksandrovkada jasadlarni olib ketmoqda.Foto: SIPA
Aleksandrovkada qopga solingan jasad va o‘qqa tutilgan avtomobil.Foto: SIPA
Aleksandrovkada asfaltda qolgan jasad konturi.Foto: SIPA
Xerson va Chernobayevkada Rossiya istilosining izlari
Xarkov viloyatining Volchansk shahrida qamoqxona sifatida foydalanilgan binoda rossiyalik harbiylar tomonidan qo‘lga olingan mahalliy aholi vakillari qoldirgan yozuvlar. OAV xabariga ko‘ra, mahalliy agregat zavodi hududida qamoqxona tashkil etilgan. Ukrain kuchlari Volchanskni sentabr oyi o‘rtalaridagi qarshi hujum davomida ozod etgan.Foto: EPA
Rossiya kuchlari Xersondan chekingach, tergov izolyatori hududida rossiyalik harbiy xizmatchilar tomonidan o‘g‘irlangan kir yuvish mashinalari, unitazlar va muzlatkichlar topildi.Foto: Reuters
Ukrain harbiylari Chernobayevka qishlog‘ida zarbaga uchragan rossiyaliklar tankini ko‘zdan kechirmoqda. Noyabr oyi o‘rtalarida Ukraina Qurolli kuchlari uzoq davom etgan janglardan keyin ushbu hududni o‘z nazoratiga qaytardi.Foto: AP Photo
Izoh (0)