Бухорода 1,12 гектар ерни 120 минг долларга ноқонуний сотмоқчи бўлганлар ушланди

Бухорода 1,12 гектар ер ажратиш тўғрисидаги қарор бекор қилинган бўлса-да, уни 120 минг долларга сотмоқчи бўлганлар ушланди.

Маълум бўлишича, фуқаролар Р.Х. ва С.К. (муқаддам судланган) фуқаро Ғ.Гнинг ишончига кириб, унга Бухоро тумани «Боғдашт» МФЙ ҳудудидан «С.К» МЧЖга кўп қаватли уй-жой комплекси қуриш учун 1,12 гектар ер майдонини ажратиш тўғрисидаги қарор бекор қилинган бўлса-да, унга ушбу ер майдонини 120 минг долларга сотишларини айтган.

Улар Бош прокуратура ҳузуридаги департаментнинг Бухоро шаҳар бўлими томонидан ИИБ ва ДХХ ходимлари билан ҳамкорликда ўтказилган тезкор тадбирда танишлари орқали ҳужжатларни расмийлаштириб бериши эвазига олдиндан 70 минг долларни олганида ашёвий далиллар билан ушланган.

Бундан ташқари, департаментнинг Самарқанд туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда, «А.С.» МЧЖ раҳбари М.А. 2 нафар фуқаронинг ишончига кириб, уларга МЧЖга интенсив токзорлар барпо қилиш учун ажратилган 4 гектар ер майдонини енгил конструкцияли иссиқхона қуриш учун 50 минг долларга сотишини айтиб, танишлари орқали ҳужжатларни расмийлаштириб бериши эвазига олдиндан 30 минг долларни олган вақтида ашёвий далиллар билан ушланган.

Департаментнинг Олмалиқ шаҳар бўлими томонидан ДХХ ходимлари билан ҳамкорликда ўтказилган тезкор тадбирда, фуқаро А.Ю. бошқа бир фуқаро Ш.Б.га юқори лавозимида ишловчи танишлари орқали ўзи раислик қилиб келаётган «З.» боғдорчилик узумчилик ширкатига қарашли 20 сотих ер майдонига эгалик қилиш ҳуқуқини берувчи ордер олиб бериш эвазига 23 миллион сўмни олган вақтида ашёвий далиллар билан ушланган.

Департаментнинг Марҳамат туман бўлими томонидан ўтказилган терговга қадар текширувда, фуқаро Х.Х. ўзига М.Тожибоев массивида иссиқхона қуриш учун ажратилган 20 сотих ер майдонининг 4 сотихини танишлари орқали фуқаро Г.А.нинг номига турар жой қуриш учун расмийлаштириб бериш эвазига 7 200 долларни фирибгарлик йўли билан қўлга киритгани аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

Мавзуга доир:

• Навоийда ўғлига имтиёз сифатида берилган 2 гектар ерни 200 минг долларга сотмоқчи бўлган шахс ва унинг шериклари ушланди
• Хоразмда ҳокимлик захирасидаги 0,4 гектар ерни 600 млн сўмга сотмоқчи бўлган шахс ушланди