Бокс. Ҳасанбой Дўстматов қозоғистонлик рақибини мағлуб этиб, Осиё чемпионига айланди

Иорданиянинг Амман шаҳрида бокс бўйича Осиё чемпионатининг финал баҳслари 12 ноябрь, шанба куни бўлиб ўтмоқда.

-51 кг вазн тоифасида Ўзбекистон шарафини ҳимоя қилган Ҳасанбой Дўстматов финалда қозоғистонлик Сакен Бибосиновга қарши жанг қилди.

Биринчи раунд тенг курашлар остида ўтди, унда ҳакамларнинг икки нафари Дўстматовнинг, уч нафари эса Сакеннинг фойдасига қарор чиқарди. Иккинчи раунд Дўстматов фойдасига ёзилди.

Учинчи раундда ҳам Дўстматов фаолроқ бўлди. Якунда Ҳасанбой ғолиб деб топилди ва Осиё чемпионига айланди.

12 ноябрь куни яна олти нафар ўзбекистонлик боксчи финалда рингга кўтарилади.

• -57 кг: Абдумалик Ҳалоков — Серик Темиржанов (Қозоғистон) (16:00 дан кейин)
• -63,5 кг: Руслан Абдуллаев — Шива Тҳапа (Ҳиндистон) (16:30 дан сўнг)
• -75 кг: Саиджамшид Жаъфаров — Нурқанат Райис (Қозоғистон) (17:15 дан сўнг)
• -80 кг: Одилжон Аслонов — Ҳуссейн Эйшайш (Иордания) (17:30 дан сўнг)
• -92 кг: Мадиёр Саидраҳимов — Айбек Оралбай (Қозоғистон) (18:00 дан сўнг)
• +92 кг: Лазизбек Муллажонов — Камшибек Кункабаев (Қозоғистон) (18:15 дан сўнг)