Бельгия терма жамоасининг Қатар майдонларида ўтадиган Жаҳон Чемпионати учун қайдномасини маълум қилинди.
Роберто Мартинес 26 ўйинчидан иборат рўйхатга қуйидаги номларни киритди:
Дарвозабонлар: Кун Кастелс («Вольфсбург»), Тибо Куртуа («Реал Мадрид»), Симон Миньоле («Брюгге»);
Ҳимоячилар: Тоби Алдервейрелд («Антверпен»), Зено Дебаст, Ян Вертонген (иккиси «Андерлехт»), Леандер Дендонкер («Астон Вилла»), Ваут Фас, Тимоти Кастань (иккиси «Лестер»), Артюр Теате («Ренн»), Тома Менье («Боруссия Д»);
Ярим ҳимоячилар: Янник Феррейра Карраско, Аксель Витсель (иккиси «Атлетико»), Торган Азар («Боруссия Д»), Кевин де Брюйне («Манчестер Сити»), Амаду Онана («Эвертон»), Юри Тилеманс («Лестер»), Шарл де Кетеларе («Милан»), Жереми Доку («Ренн»), Эден Азар («Реал Мадрид»), Леандро Троссард («Брайтон»), Ҳанс Ванакен («Брюгге»);
Ҳужумчилар: Миши Бацҳуайи («Фенербаҳче»), Ромелу Лукаку («Интер»), Дрис Мертенс («Галатасарой»), Лои Openда («Ланс»).
«Милан» форварди Дивок Ориги рўйхатдан жой олмаган, миланликларнинг яна бир ўйинчиси Алексис Салемакерс эса захира рўйхатида қолдирилган.
Бельгия терма жамоаси Канада, Марокаш ва Хорватия билан бир гуруҳдан жой олган. Мусобақа 20 ноябрь куни старт олади, финал 18 декабрь куни бўлиб ўтади.
Аввалроқ Аргентина, Дания ва Уругвай терма жамоалари кенгайтирилган таркибни, Хорватия, Франция, Уэльс, Англия, Германия, Бразилия, Португалия, Испания эса якуний қайдномани эълон қилганди.