Ижтимоий тармоқларда 9 ноябрь куни «Водийдаги шифохоналарда ҳам ‘свет’ ўчиб қолмоқда» мазмунида хабар эълон қилинганди. Энергетика вазирлиги ушбу ҳолат юзасидан муносабат билдириб, электр энергияси узлуксизлигини таъминлаш мақсадида барча шифохоналарда қўшимча дизель генераторлари ўрнатилганини маълум қилди.
Таъкидланишича, 9 ноябрь куни соат 19:47 дан 20:00 га қадар (13 дақиқа) Наманган вилоят Юқумли касалликлар ва соат 20:25 дан 20:45 га қадар (20 дақиқа) Чуст тумани марказий шифохоналарини электр энергияси билан таъминловчи тармоқларда носозлик юзага келиб, узилиш кузатилган.
Шу вақт оралиғида қисқа фурсатда шифохоналарнинг захира дизель генераторлари ишга туширилиб, муассасаларда электр таъминоти қайта тикланган. Соғлиқни сақлаш вазирлиги томонидан барча шифохоналар қўшимча дизель генераторлари билан таъминланган бўлиб, тиббиёт муассасаларига электр таъминоти барқарор етказиб берилмоқда.
Мавзуга доир: Фарғона водийсида электр билан боғлиқ муаммолар кузатиляпти. Вазирлик буни «ҳаво кескин совиб кетгани» билан изоҳлади
Изоҳ (0)