Бугун,

  • USD 11095.31
  • RUB 173.84
  • EUR 10772.44

АҚШнинг собиқ президенти Дональд Трамп Огайо штатидаги сиёсий митингда 15 ноябрь куни Флоридадаги Мар-а-Лаго қароргоҳида «катта баёнот» беришини айтди.

Фото: Reuters

Фото: Reuters

«15 ноябрь куни Мар-а-Лагода жуда муҳим хабарни эълон қилмоқчиман», — деди Трамп.

Собиқ президент, шунингдек, 8 ноябрь куни бўлиб ўтадиган оралиқ сайловлар, ундан кейин Республикачилар партияси вакиллари АҚШ Конгрессининг ҳар икки палатасида кўпчиликни ташкил қилиши «мамлакат учун қутқарувчи» бўлиши мумкинлигини таъкидлади.

«Бу йил биз Вакиллар палатасини қайтариб оламиз. Сенатни қайтариб оламиз. Ва Американи қайтариб оламиз. 2024 йилда эса, энг муҳими, биз гўзал Оқ уйимизни қайтариб оламиз», — деди Трамп.

8 ноябрь куни АҚШ Конгресси Вакиллар палатаси ва Сенати учун (парламентнинг қуйи ва юқори палаталари) оралиқ сайловлар бўлиб ўтади. Ҳозирда Вакиллар палатасида кўпчилик ўрин демократларга тегишли бўлиб, уларнинг ихтиёрида 218 та ўрин бор. Республикачилар эса 212 та ўринга эга. Шу билан бирга, юқори палатада республикачилар 50 ўринга, демократлар эса 48 ўринга эга.

Ушбу сайловлар натижасида Вакиллар палатаси таркиби бутунлай янгиланади, шунингдек, 100 нафар сенатордан 35 нафари сайланади. Аввалроқ Bloomberg сўровномаларга таяниб, овоз беришдан сўнг демократлар Конгресснинг иккала палатасида ҳам етакчиликни қўлдан чиқариши мумкинлиги ҳақида хабар берганди.

Ноябрь ойи бошида Reuters ва The Washington Post (WP) нашрлари Трамп яқин кунларда президентлик учун ўз сайловолди кампаниясини бошлаши ҳақида эълон қилиши кутилаётганини хабар берган.

Изоҳ
Asosiy yangiliklar
Маҳаллий
Қаршида Cobalt ҳайдовчиси 13 ёшли қизни уриб юбориб, воқеа жойидан қочиб кетди (видео)
Маҳаллий
Ногирон фуқаронинг бўйнига занжир боғлангани акс этган видео юзасидан изоҳ берилди
Маҳаллий
Ўзбекистоннинг катта қисмида ҳафта охирига бориб аномал совуқ бўлиши кутилмоқда