6 500 сўмдан 14 000 сўмгача: Ўзбекистонда кунлик бензин нархлари эълон қилинди

UNG Petro Тошкент шаҳрида бензин қуйиш шохобчаларидаги кунлик нархларни эълон қилди. 

Унга кўра, Аи-80 «Tatneft» бензин қуйиш шохобчасида энг қиммат нархда сотилмоқда — 1 литр учун 7 800 сўм. 

Аи-92 ва Аи-95 ҳам энг баланд нархда «Tatneft» шохобчасида 1 литр учун мос равишда 12 500 сўм ва 14 000 сўм билан сотилмоқда. 

Аи-80 бензинини энг арзон нархда «Mustang» ва «Poytaxt oil» 6 500 сўмдан қуйиб бермоқда.  

UNG Petro бензин қуйиш шохобчаси эса Аи-92 учун энг арзон нарх таклиф қилмоқда — 9 500 сўм. 

Аи-95 турдаги бензинни ҳам энг арзон нархда мижозларга UNG Petro қуйиб бермоқда — 1 литрига 10 500 сўм.

Март ойидаги маълумотлардан фарқли равишда Аи-98 нархлари ҳеч қайси бензин қуйиш шохобчасида кўрсатилмаган.

Аввалроқ Ўзбекистонда 9 ойда қанча бензин ишлаб чиқарилгани маълум қилинганди.