Банк мобил иловаларида қандай қилиб онлайн омонат очиш мумкин?

Марказий банкнинг FinLit лойиҳаси банк мобил иловаларида қандай қилиб омонат очиш мумкинлиги ҳақида маълумот берди.

Шахсий банк картаси ва банкнинг мобил иловаси орқали уйдан чиқмасдан, бир неча дақиқада онлайн омонат очиш мумкин.

Буни қандай қилиш кераклигини ҳақида батафсил:

• Банк иловасини Google Play ёки Apple Store’дан юклаб олинг;
• Онлайн идентификациядан ўтинг: банк картаси / мобил телефон рақами / тасдиқловчи ҳужжатлар орқали;
• Банк Иловасига исталган банк картасини уланг;
• «Омонатлар» бўлимини очинг (жойлашув илова дизайнига қараб ўзгариши мумкин);
• Омонат турини танланг, шартларни диққат билан ўқинг ва кейинги кўрсатмаларга риоя қилинг;
• Омонат очиш учун бошлангиғич миқдорни белгиланг;
• Омонат муддатини танланг;
• Маблағ ечиб олинадиган банк картасини танланг;
• Электрон шартнома ва ички қоидаларни қурилмада ўқинг ва розилик беринг;
• Омонат очилди.

Кўпгина мобил банк иловаларида бошланғич бадал учун керакли миқдорни белгилаш, омонатни номлаш, автоматик тўлдириш функциясини ўрнатиш мумкин.

Омонат фоиз ставкалари омонат муддатига қараб фарқ қилиши мумкин.

Аввалроқ Ўзбекистон банкларида омонатлар, улар қанчалик кафолатлангани ҳақида хабар берилганди.