Усмоновнинг бойлиги 3,4 млрд долларга камайган: Россиялик миллиардерлар йил бошидан бери 83,4 млрд доллар йўқотди

2022 йил бошидан буён россиялик энг бой тадбиркорларнинг умумий бойлиги 83,4 млрд долларга камайди. Бу ҳақда Bloomberg Billionaires Index (BBI) маълумотларига асосланган ҳолда «РИА Новости» хабар бермоқда.

«Ренова» эгаси Виктор Векселберг энг кўп маблағ йўқотди, унинг бойлиги 11,2 млрд долларга камайиб, 7,32 млрд долларга бўлиб қолди. 

Йил бошидан бери Россиянинг энг бой одами Владимир Потанин 1 млрд доллар йўқотган. Унинг бойлиги ҳозирда 29,8 млрд долларни ташкил қилади. 

2022 йилда «Novatek» ҳаммуаллифи Леонид Михелсоннинг бойлиги 8 миллиард долларга қисқарган бўлса, яна бир миллиардер Алексей Мордашов 7,78 млрд доллар йўқотган. 

«Металлоинвест» эгаси, асли келиб чиқиши ўзбек бўлган Алишер Усмонов жорий йилда 3,38 млрд доллар йўқотган. Унинг бойлиги ҳозирда 17,9 млрд долларни ташкил қилади.  

Bloomberg индекси миллиардерларга тегишли компаниялар акциялари қийматидан келиб чиқиб ҳисобланади. 

Рўйхатга 25 нафар россиялик киритилган бўлиб, уларнинг умумий бойлиги бугунги кунда 299,63 миллиард долларга баҳоланмоқда.