Фарғона вилоятининг Қўқон шаҳридаги ИИБ биносидан 15 ёшли бола мурдаси чиққани хабар берилди. Бу ҳақда жамоатчиликка хабар берган блогер Олимжон Ҳайдаров воқеа юзасидан Ички ишлар вазирлиги ҳам, прокуратура ҳам расмий ахборот бермаганини таъкидлаган.
Маълум бўлишича, 15 ёшли ўсмир вилоятнинг Бувайда тумани Янги Қўрғон шаҳарчасидаги савдо дўконларининг бирига кириб, 16 минг 700 сўм миқдоридаги маҳсулотни харид қилиб, пулини тўламай чиқиб кетади.
Дўкон эгалари уни қайтариб, бундай қилиши нотўғри эканини тушунтириб, уйдагиларини чақиришади. Аммо ўсмир йигит уйдагиларини чақирмайди. Шундан сўнг дўкон эгалари эса ҳудуддаги профилактика инспекторига хабар беради. Бола шунда ҳам уйдагиларидан қўрққани боисми, уйдагилари ҳақида маълумот бермайди. Кейин у тумандаги ИИБга олиб борилиб, психолог ёрдамида сўроқ қилиниб, исми ва яшаш жойи аниқланади. Аммо бола яшаган ҳудуд профилактика инспекторини топиш имкони бўлмагани боис, боланинг шахси аниқланмагани рўкач қилиниб, у Қўқон шаҳридаги вояга етмаганларга ҳуқуқий ёрдам кўрсатиш марказига олиб борилади, — дейди бу ҳақда жамоатчиликка хабар берган блогер.Олимжон Ҳайдаровнинг қўшимча қилишича, 15 ёшли бола соат 21:00 да марказга олиб борилиб, асли фарғоналик бўлган олти нафар бола турган хонага қамалган.
Олти нафар бола 15 ёшли болани бир сутка давомида урган, уни ўйинга туширган, хўрлаган. Эртаси куни 17 октябрь куни эса бинодан ўсмир боланинг ўлиги чиққан, — дейди блогер.Мазкур хабарга аниқлик киритиш мақсадида «Дарё» нашри Бош прокуратура ҳамда Ички ишлар вазирлиги ахборот хизматига мурожаат қилди.
Бош прокуратура ахборот хизмати раҳбари Ҳаёт Шамсутдинов ҳолат юзасидан ахборот тайёрланаётганини, тез орада батафсил маълумот берилишини маълум қилган бўлса, Ички ишлар вазирлиги ахборот хизмати ҳозирча сўровга жавоб бермади.
Изоҳ (3)
Balki sal etiborliroq bolishganida shu bola erta hayotdan koz yummagan bolarmidi
17-noyabr kelmadiku hali???
Хохлаган одамини камаса хохоаганни улбирса бу харомиларни кимдир сурвйдими