2022 йил 6 ноябрь куни Болливуднинг юлдузли жуфтлиги Ранбир Капур ва Алия Бҳаттнинг илк фарзанди дунёга келди. Жуфтликнинг оиласида энди жажжигина малика бор, деб ёзади Bollywoodtime.
Ушбу янгилик билан Алия Бҳатт Instagram’даги саҳифасида ўртоқлашди: «Ҳаётимиздаги энг яхши янгилик, бизнинг чақалоғимиз шу ерда ва у қанчалар мўъжизавий қиз. Биз расман муҳаббат ва бахтга бутун вужуди билан тўлиб тошган ота-оналармиз».
Эслатиб ўтамиз, Ранбир ва Алия беш йиллик танишувдан сўнг 2022 йилнинг апрель ойида турмуш қурганди. Жуфтликнинг никоҳ тўйи Ранбирнинг Мумбайдаги уйида бўлиб ўтган.
Ёз фаслида эса жуфтлик ота-она бўлишларини эълон қилди ва шифохонадан «Тез орада фарзандли бўламиз» деб изоҳ ёзилган суратини улашди.
Изоҳ (0)