Кўпинча экрандаги жуфтликлар муҳаббат борасидаги ролларини жуда ишонарли ижро этади. Шунинг учун ҳар сафар улар ҳақиқий ҳаётда бирга бўлишига умид қиламиз. Аммо баъзи актёр ва актрисалар фильмдаги партнёри билан дўст бўлиш ҳамма нарсадан устун деб қарор қилган.
Кейт Уинслет ва Леонардо Ди Каприо
Жуфтликнинг «Титаник» фильмидаги муҳаббати бахтсиз якун топган бўлса-да, уларнинг дўстлиги суратга олиш майдончасидан кейин ҳам давом этди. Бугун Леонардо Ди Каприо ҳам, Кейт Уинслет ҳам 25 йиллик дўстлиги билан фахрланади.
Актёрларнинг севгилиси борлигига қарамай, улар ҳали ҳам бирга вақт ўтказишга улгуради. «Мен уни умримнинг ярмини биламан. Қачонки кечки овқат ёки қаҳва ичиш имкони бўлса, биз уни ўтказиб юбормасликка ҳаракат қиламиз», — деб ўртоқлашади Уинслет.
Дрю Берримор ва Адам Сендлер
Комедик жуфтлик биргаликда 3 та фильмда рол ўйнашган. Дрю Берримор ва Адам Сендлер ҳақиқий ҳаётда севишишмаган, актёрларнинг экрандаги роллари эса уларнинг яқин дўст бўлишларига тўсқинлик қилмаган. «20 йил ичида биз 3 та фильмда рол ўйнадик ва мен уни жуда яхши кўраман», — дейди Берримор мулойимлик билан.
Женнифер Лоуренс ва Бредли Купер
Женнифер Лоуренс ва Бредли Куперни экрандаги мукаммал эр-хотин деб ҳисоблаш мумкин, чунки улар биргаликда 4 та фильмда суратга тушишган, шулардан 3 таси Лоренсга энг яхши актриса номинациясида «Оскар» олиб келган.
Саҳна ортида бу иккиси ҳамон бир-бирини қўллаб-қувватловчи дўст. «Ёшимиздаги фарққа қарамай, бир-биримизни жуда яхши тушунамиз. Унинг актёрлик маҳорати мени доим ҳайратда қолдирган», — дейди Купер.
Женнифер Энистон ва Жейсон Бейтман
1990- ва 2000 йиллар бошларининг юлдузлари Женнифер Энистон ва Жейсон Бейтман 20 йил олдин дўст бўлишган. Уларнинг дўстона муносабатини экран орқали ҳис қилиш мумкин, лекин режиссёр «Кадр олинди» деб қичқирса ҳам, Энистон ҳеч қачон Бейтмен билан суҳбатлашиш имкониятини қўлдан бой бермайди. «Жейсон мен учун оила аъзоси каби, биз жуда яхши муносабатдамиз», — дейди Энистон.
Сандра Буллок ва Райан Рейнолдс
Актёрлар «Таклиф» фильмида эр-хотин образини шу қадар ишончли тасвирлашганки, мухлислар орасида улар ҳақиқий ҳаётда учрашишаётгани ҳақида миш-мишлар тарқалади. Аммо Сандра Буллок ва Райан Рейнолдс бундай муносабатни хоҳлашмади, лекин йиллар давомида дўстликни давом эттиришга қарор қилишади.
«Райан севгилим эмас, десам, аёллар енгил нафас олишади. У шунчаки ажойиб инсон, биз 10 йилдан бери дўстмиз. Мен унга ўхшаган дўстлар кўп бўлишини истардим», — деди Буллок Рейнолдс ҳақида.
Жулия Робертс ва Жорж Клуни
Машҳур жуфтлик биргаликда 6 тадан ортиқ фильмда суратга тушган. Бироқ ҳаётда Жулия Робертс ва Жорж Клуни ишқий муносабатда бўлишмади, балки йиллар давомида дўстликни мустаҳкамлашга эътибор қаратишди. Улар ҳатто бир-бирларининг турмуш ўртоқлари билан ҳам дўстлашишди.
Вайнона Райдер ва Киану Ривз
Экранда ВайнонаРайдер ва Киану Ривз жуда кўп ширин лаҳзаларни баҳам кўришган. Улар ҳатто Дракулада тўй саҳнасини суратга олиш чоғида «деярли» турмуш қуришларига сал қолди. Аммо улар мустаҳкам дўстликни танлашди.
«Мен уни қанчалик севишимни ва ҳурмат қилишимни ифода эта олмайман. Унга раҳмат, у туфайли мен ишга хурсанд ҳолда кетаман», — деди Райдер Ривз билан узоқ муддатли дўстлиги ҳақидаги фикрлари билан ўртоқлашиб.
Зоуи Дешанел ва Жозеф Гордон-Левитт
«Ёзнинг 500 куни» фильмида актёрлар Саммер ва Том севгисини шу қадар ишонарли тарзда ижро этишдики, одамларнинг улар ҳақиқий ҳаётда ҳам учрашиб юришганига ишончлари комил эди. Бироқ Зоуи Дешанел ва Жозеф Гордон-Левитт дўст бўлиб қолишди. Улар ҳатто бирга мусиқа басталашди ва фильм чиққанидан 10 йил ўтиб яна биргаликда рол ўйнашди.
Изоҳ (0)