2022-yil 6-noyabr kuni Bollivudning yulduzli juftligi Ranbir Kapur va Aliya Bhattning ilk farzandi dunyoga keldi. Juftlikning oilasida endi jajjigina malika bor, deb yozadi Bollywoodtime.
Ushbu yangilik bilan Aliya Bhatt Instagram’dagi sahifasida o‘rtoqlashdi: “Hayotimizdagi eng yaxshi yangilik, bizning chaqalog‘imiz shu yerda va u qanchalar mo‘jizaviy qiz. Biz rasman muhabbat va baxtga butun vujudi bilan to‘lib toshgan ota-onalarmiz”.
Eslatib o‘tamiz, Ranbir va Aliya besh yillik tanishuvdan so‘ng 2022-yilning aprel oyida turmush qurgandi. Juftlikning nikoh to‘yi Ranbirning Mumbaydagi uyida bo‘lib o‘tgan.
Yoz faslida esa juftlik ota-ona bo‘lishlarini e’lon qildi va shifoxonadan “Tez orada farzandli bo‘lamiz” deb izoh yozilgan suratini ulashdi.
Izoh (0)