УЕФА «ПСЖ» мухлисларининг «Ювентус»га қарши баҳсдаги (2:1) хатти-ҳаракатлари учун интизомий иш очди.
Парижлик мухлислар «Ювентус»га қарши сафар учрашувида меҳмонлар учун ажратилган трибунада ўнлаб тутунли нарсаларни ёқиб, майдонга турли буюмларни улоқтирган. Бу ишни УЕФА тартиб-интизом қўмитаси ноябрь ойи охирида кўриб чиқади.
Аввалроқ УЕФА Чемпионлар Лигасидаги «ПСЖ»нинг «Маккаби»га қарши ўйинида Париж стадиони трибуналарида ҳақоратомуз хабарлар қўлланилгани бўйича иш очган эди.
Гуруҳ босқичи натижаларига кўра «Бенфика» 14 очко билан 1-ўринни эгаллади. «ПСЖ» эса худди шунча очко билан 2-поғонадан жой олди. Парижликлар қўшимча кўрсаткичлар бўйича Португалия жамоасидан ортда қолди. «Ювентус» эса 3 очко билан Европа Лигасига равона бўлди.
Изоҳ (0)