Болливуднинг дунёга машҳур актрисаларидан бири Анушка Шарма «Чакда Хпресс» номли спорт ҳақидаги фильмда суратга тушаётгани маълум бўлди. Бу актрисанинг бир муддат давом этган туғруқ таътилидан кейинги илк фильми. Анушка 2021 йилда қиз фарзандли бўлган эди.
Анушка Шарма кўп вақтини Калкуттадаги суратга олиш майдончасида ўтказди, мухлисларга эса фильмдаги иш тафсилотларини ошкор қилмади. Яқинда ижтимоий тармоқларда актрисанинг суратга олиш майдончасида спорт кийимида, қўлида крикет таёғини ушлаб тургани акс этган суратлари тарқалди. Актриса машҳур ҳинд крикетчиси, крикет бўйича миллий терма жамоанинг собиқ сардори Жулан Госвамини гавдалантиради.
«Анушка Шарма фильмга тайёргарлик учун жуда кўп машқ қилди», — дейди актрисанинг турмуш ўртоғи крикетчи Вират Кохли яқинда ҳинд оммавий ахборот воситаларига берган интевюсида.
Унинг сўзларига кўра, дастлаб актриса учун крикет ўйнаш қийин бўлган, бироқ машаққатли меҳнат ва профессионал спортчилар билан рақобат унинг ажойиб натижага эришишига ёрдам берди. Бу қанчалик ҳақиқатга яқин эканини томошабинлар 2017 йилда Жулан Госвами ўзининг интервьюсида илк марта эълон қилган фильм чиққандан кейин билиб олиши мумкин.
Мавзуга доир:
Изоҳ (0)