Бугун,

  • USD 11095.31
  • RUB 173.84
  • EUR 10772.44

Ғарб махсус хизматлари Россия Ҳарбий-денгиз кучлари радиохабарини тутиб олган, унда Германияга ядро зарбаси бериш сценарийси муҳокама қилинган. Бу 2021 йил охирида россияликлар томонидан Болтиқ денгизида ҳарбий машқлар ўтказилаётган пайтда юз берган. Бу ҳақда Германиянинг Spiegel нашри хабар қилмоқда.

Фото: EPA

Фото: EPA

Яширинча тингланган хабарда Германия бўйлаб ядро зарбалари ҳақида гап борган ва учта нишон кўрсатиб ўтилган, булар — Берлин, АҚШнинг Рамштайндаги авиабазаси ва Америка армияси ядро қуролини сақлайдиган Бюхель авиабазаси.

Хавфсизлик бўйича мутахассислар ушбу маълумот бўйича икки хил изоҳ бермоқда. Уларнинг бир қисми ядро қуролидан фойдаланиш ҳарбий машғулотлар чоғида муҳокама қилинган ва машқ қилинганига ишончи комил бўлса, қолганлар россияликлар уларнинг хабарлари тингланаётганини билган, шу сабабли, Ғарбни қўрқитиш мақсадида атайлаб нишонларни айтган, деган фикрда.

Cивей томонидан Spiegel учун ўтказилган сўров натижаларига кўра, германияликларнинг 51 фоизи ядро уруши бошланиши эҳтимолидан хавотирда, 57 фоизи Россиянинг Украинага, 37 фоизи эса Германияга ядро зарбаси беришидан хавфсирамоқда.

Россия томонидан ядровий зарба хавфи максимал даражага етди

Аввалроқ Россия томонидан ядровий зарба хавфи 24 февралдан буён энг юқори даражага етгани маълум қилинганди. АҚШ Марказий разведка бошқармаси (МРБ) директори Уильям Бёрнс октябрь бошида Украинага келиб, президент Владимир Зеленский ва бир қатор украиналик мансабдорлар билан учрашган.

CNN қайд этишича, сафар Россия Украинада ядро қуроли қўллаши мумкинлиги борасидаги хавотирлар фонида амалга ошган. Бёрнс ва АҚШ ҳукуматининг бошқа вакиллари Москванинг бундай қадамга тайёрланаётгани бўйича далилларни кўрмаётганини айтган бўлса-да, разведка маълумотларидан хабардор бўлган манбалар воқеаларнинг бундай тус олиши «хавфи юқори» экани ҳақида огоҳлантирмоқда. «Россия томонидан ядровий зарба хавфи у Украинага бостириб кирганидан буён, эҳтимол, энг юқори даражага етди», — деди улар.

Россия томони ҳеч кимга ядро қуролидан фойдаланиш билан таҳдид қилмаётганини кўп бора таъкидлаган. Politico маълумотларига кўра, Ғарб 21 сентябрдан кейин Россиянинг ядровий қурол-яроғлари устидан кузатувни кучайтирган. Ўша куни қисман сафарбарлик ҳақида эълон қилаётиб, президент Владимир Путин Ғарб «ядровий шантаж»дан фойдаланаётганини айтган ва Россияни ҳимоя қилиш учун «барча воситалар»ни ишга солиши ҳақида огоҳлантирганди.

Россия ҳукумати 23 октябрдан буён Украина «ифлос бомба»дан фойдаланиб провокациялар уюштиришга ва кейин бунда Россияни айблашга тайёрланаётганини даъво қилмоқда.

Изоҳ
Асосий янгиликлар
Спорт
Элдор Шомуродов Турин клубидан жиддий таклиф кутаётгани маълум бўлди
Маҳаллий
Ўзбекистонда 3 декабрь куни об-ҳаво ёғингарчиликсиз, лекин туманли бўлиши кутилмоқда
Маҳаллий
Тошкент туманининг Қозоғистон билан чегарадош ҳудудларидаги хонадонлар бузилиб, чегарани мустаҳкамлаш объектлари қурилади