Бугун,

  • USD 11095.31
  • RUB 173.84
  • EUR 10772.44

Швейцария Европа Иттифоқининг Россияга қарши санкциялари туфайли Украинага ҳарбий маҳсулотлар экспортини чеклади, деб ёзади «РБК».

Фото: «РБК»

Фото: «РБК»

Швейцария Украинага айрим ҳарбий товарлар экспортига чекловлар киритди, чунки бетарафлик ҳуқуқи уни можаро иштирокчиларига ҳам худди шундай чекловларни жорий этишга мажбур қилади, дейилади Швейцария Федерал Кенгаши томонидан эълон қилинган мамлакатнинг бетарафлиги ҳақидаги ҳисоботида.

«Федерал Кенгаш Европа Иттифоқининг Россияга қарши санкцияларига қўшилганидан бери Швейцария Украинага қарши айрим ҳудудларда экспорт чекловларини жорий этишга мажбур бўлди», — дейилади ҳужжатда.

Нейтраллик тўғрисидаги қонун ҳарбий техникани нейтрал давлатнинг ўз ҳарбий захираларидан қуролли можаролар иштирокчиларига тўғридан-тўғри ўтказишни тақиқлайди, лекин хусусий компанияларга экспорт қилиш ва транзитга рухсат беради.

Ҳисоботда қайд этилишича, Швейцария ўзининг бетарафлиги туфайли украиналик ҳарбийларнинг уларга ҳимоя каскалари ва ўқ ўтказмайдиган жилетларни юбориш ҳақидаги бир неча сўровларини рад этган, чунки бу товарлар Швейцария қонунчилигида махсус ҳарбий техника сифатида таснифланган.

Швейцария Конфедерацияси дунёдаги энг узоқ вақтлик нейтрал давлатдир. У 1815 йилдаёқ Вена конгрессида қонуний мустаҳкамланган ва кафолатланган. Ушбу мақом Швейцария Қуролли кучларидан ўзини ҳимоя қилишдан ташқари бошқа давлатга қарши ҳар қандай ортиқча ҳаракатни тақиқлайди.

Швейцариянинг Украинада урусг бошланганидан бери қилган ҳаракатлари танқид қилинаётган бир пайтда, 26 октябрь куни мамлакат расмийлари 1993 йилдан бери илк бор бетарафлик сиёсати ҳақида батафсил ҳисобот эълон қилди.

Изоҳ
Asosiy yangiliklar
Дунё
Илон Маск Twitter’да Apple рекламалари тикланганини эълон қилди
Дунё
Туркиянинг Kizilelma қирувчи дрони илк парвозни амалга оширди (видео)
Дунё
Хитой Россияга ҳарбий ёрдам кўрсатдими?