Фарғонада аввалги жинояти учун 20 йил қамоқда ўтириб чиққан эркак қамоқдан қайтгач яна жиноят содир этиб, жазони ижро этиш муассасасида танишган фуқарони ўлдириб қўйди. Бу ҳақда «Севимли» телеканалининг «Замон» информацион дастурида хабар қилинди.
Маълум қилинишича, қамоқдан қайтган қўқонлик фуқаро Ататов укасининг уйида яшай бошлаган ва унинг олдига жазони ижро этиш муассасасида танишиб қолган фуқаро Мирзаев меҳмонга келган. Собиқ маҳкумлар суҳбатлашиб, спиртли ичимлик истеъмол қилган.
Меҳмон мезбонни ҳақорат қилгани сабаб ўзаро жанжаллашган ва Ататов уйида бўлган темир бўлаги билан Мирзаевнинг турли жойларига қасддан уриб, оғир тан жароҳатлари етказган. Уни ўзбошимчалик билан даволашга уриниб, икки сутка хонадонида сақлаган.
Ўтказилган судга оид экспертиза хулосасига кўра, Мирзаев кўкрак қафасининг иккала томонидан тўққизта қовурғасининг синиши, ўпка йиртилиши ва бошқа турли тан жароҳатлари борлиги аниқланган. Ўз вақтида тиббий ёрдам кўрсатилмагани сабабли жабрланувчи хонадонда вафот этган.
Ататов Жиноят кодексининг 104-моддаси 3-қисми «д» банди (қасддан баданга оғир шикаст етказиш жабрланувчининг ўлишига сабаб бўлиши) билан айбдор деб топилиб, унга нисбатан 8 йилга озодликдан маҳрум этиш жазоси тайинланган.
Изоҳ (1)
Бечора деб булмайди буларди. Нима кетаётганини билмаган эканми булар? Ола нортой!