Европа Иттифоқидаги сиёсий бўлинишлар ва ёқилғи таъминоти борасидаги хавотирлар фонида Россия газ нархига максимал чеклов қўймади. Бу ҳақда «ТАСС» хабар берди.
Шунингдек, Еврокомиссия энергия нархининг кескин ўсишига қарши кураш чораларини таклиф қилмоқчи.
Маълумотларга кўра, Европа Иттифоқи Россиядан қувурлар орқали газ етказиб бериш қисқарганидан кейин минтақанинг энергетик воқелигини яхшироқ акс эттириш учун янги суюлтирилган газ индексини ишга туширмоқчи.
Бу йил қишда ҳам, кейинги йилларда ҳам ҳаракат қилиш вақти келди. Мавжуд вазият иқтисодий ва ижтимоий қийинчиликларни келтириб чиқармоқда, фуқаролар ва иқтисодиёт зиммасига оғир юк қўймоқда, — дейилади хабарда.
Таъкидланишича, энергия ресурслари нархининг ошиши фуқароларнинг харид қобилиятининг пасайишига ва компанияларнинг рақобатбардошлигини йўқотишига олиб келади.
Аввалроқ Европада газ нархи уч ойлик энг паст даражага тушгани ҳақида хабар берилганди.
Изоҳ (0)