Россиянинг Су-34 бомбардимончи самолёти Краснодар ўлкасидаги Ейск шаҳридаги тўққиз қаватли турар жой биноси яқинида ҳалокатга учради, деб ёзади Meduza.
17 октябрь куни соат 18:20 атрофида тўлиқ ўқ-дорилар билан жиҳозланган самолёт Красная кўчасидаги 47/1-уй ҳовлисига қулади. Ҳалокатдан сўнг самолётнинг ўқ-дорилари портлаган, ёнғин 600 га яқин одам истиқомат қилган кўп қаватли бинога ўтган.
Маълумотларга кўра, портлашдан олдин самолёт паст баландликда, уйларнинг томи устида учиб ўтаётган бўлган. Унинг қулашига сабаб сифатида двигателлардан бирининг ишдан чиқиши сабаб бўлгани айтилган.
Самолёт қулашидан келиб чиққан ёнғин оқибатида 6 киши ҳалок бўлди. Фавқулодда вазиятлар вазирлиги 27 киши жабрлангани ҳақида хабар берди. Улардан 4 нафарининг аҳволи оғир. Қурбонлар орасида 8-10 ёшли 3 нафар бола ҳам бор.
Ўз навбатида, самолёт учувчилари парашютдан сакраш ёрдамида ҳалокатдан омон қолган.
Изоҳ (0)