Шавкат Мирзиёев Осиё мамлакатлари иқтисодиётини глобал инқироз оқибатларига мослаштириш бўйича қатор ташаббусларни илгари сурди
Шавкат Мирзиёев Остона шаҳрида Осиёда ҳамкорлик ва ишонч чоралари бўйича кенгашнинг олтинчи саммитида сўзлаган нутқида Осиё мамлакатлари иқтисодиётини глобал инқирознинг ўсиб бораётган салбий оқибатларига мослаштириш бўйича қатор ташаббусларни илгари сурди.
Хусусан:
- протексионизмнинг кучайишига, глобал бозорларни беқарор қиладиган омилларни, жумладан янги чекловларнинг жорий этилишига йўл қўймаслик;
- Осиё қитъасида ўзаро боғлиқликни, биринчи галда, ишлаб чиқариш-логистика занжирини, Марказий Осиёни Жанубий ва Шарқий Осиё, шунингдек, Яқин Шарқ билан самарали боғловчи транспорт йўлакларини яратиш;
- жаҳон саноат инқилобининг янги босқичига ўтишнинг асоси бўлган билимлар иқтисодиётини илгари суриш;
- инновациялар трансфери салоҳиятини янада тўлиқроқ ишга солиш, рақамлаштиришни фаол рағбатлантириш, юқори технологиялар, сунъий интеллект, Интернет тизимларини ривожлантириш мақсадга мувофиқлиги таъкидланди.
Ушбу барча масалалар FAO шафелигида 2023 йилда Ўзбекистонда бўлиб ўтадиган халқаро конференцияда муҳокама қилинади.
Экология муаммоларини ҳал қилиш учун саъй-ҳаракатларни бирлаштиришни ҳамда мамлакатларимизни жадал кўкламзорлаштириш ва экотизимлар боғлиқлигини қўллаб-қувватлаш масалалари бўйича «Яшил Осиё» концептуал дастури доирасида доимий эксперт маслаҳатлашувларини йўлга қўйишни таклиф қилинди.
Сўзининг якунида Ўзбекистон раҳбари замонавий таҳдидларни фақат мулоқот, бир-бирининг манфаатларини ҳисобга олиш, умумеътироф этилган халқаро ҳуқуқ меъёрларига амал қилиш орқали самарали енгиб ўтиш мумкинлигига ишонч билдирди.
Мавзуга доир:
- Шавкат Мирзиёев халқаро муносабатларда можароларнинг авж олишига нима сабаб бўлаётганини айтди
- Шавкат Мирзиёев 2023 йил Самарқандда «Авлодлар мулоқоти» учрашуви ўтказишни таклиф қилди
- Шавкат Мирзиёев Афғонистон муваққат ҳукумати билан халқаро музокаралар гуруҳини тузишни таклиф қилди
