21—23-oktabrda Hyatt Regency Tashkent mehmonxonasida xalqaro reklama konferensiyasi, ABC show, eng yaxshi reklama tanlovi g‘oliblarini taqdirlash marosimi, shuningdek, brending ekspertlarining mahorat saboqlari va birinchi TAF!OpenDay bo‘lib o‘tadi.
Toshkent reklama festivalining o‘ziga xosligi shundaki, marketing va reklamaga qiziquvchi yoki professional darajada shug‘ullanuvchi har bir shaxs o‘zi uchun foyda oladigan, mamlakatdagi yagona reklama bayramidir.
Shu sabab festivalda eng faol brendlar, agentliklar, hamkorlar, ekspertlar va iste’molchilar qatnashishi, konferensiyada ishtirok etish uchun mashhur xorijiy spikerlar kelishi va mahalliy ekspertlar bilan o‘z amaliy bilimlarini o‘rtoqlashishlari tasodif emas. Bundan tashqari, faqat festival ishtirokchilarigina jahonning eng yaxshi reklama g‘oyalari bilan tanishish va ulardan ruhlanish, rangorang reklama shousini tomosha qilish imkoniga ega bo‘ladilar.
Ushbu keng ko‘lamli voqeani O‘zbekiston Monopoliyaga qarish kurashish qo‘mitasi va O‘zbekiston marketing uyushmasi festival hamkorlarining qo‘llab-quvvatlashi bilan tashkil qildilar.
Bu yil festival Singapur, BAA, Rossiya, Belarus, Ozarbayjon va Qirg‘izistondan 12 nafar konferensiya spikerlarini to‘pladi. Shuningdek, unda mahalliy spikerlar, tanlov ekspert hay’ati a’zolari – eng yirik mahalliy brendlarning 63 nafar vakilini, TAF!22 eng yaxshi reklama tanlovida qatnashayotgan 147 ta brend va 56 ta reklama agentligini, ochiq ovoz berishda ishtirok etayotgan o‘n minglab iste’molchilarni, O‘zbekiston marketing uyushmasining 120 dan ziyod hamkori va 100 dan ortiq ekspertlarini, bundan tashqari, festivalning bosh g‘oyasi – “Tinchlik har narsadan ustun” #TinchlikATFirst ekanini, hech narsani buzmaslik, aksincha bunyod etish – “Don’tdestroy. Create” lozimligini qo‘llab-quvvatlagan hamkor kompaniyalar jam bo‘ldilar.
TAF!22 xalqaro reklama konferensiyasi ma’ruzachilari:
- Dmitriy Apolenis, “AIDA Pioneer Branding & Creative” kreativ direktori (Belarus);
- Johnny Johansson, Reseller Partner - Emerging Markets, Meta (Singapur);
- Alena Vladimirskaya, “Facancy” servisi va “Alena Vladimirskayaning karyera laboratoriyasi” hammuassisi (Rossiya);
- Andrey Kojanov, OBM asoschisi (Rossiya);
- Mariya Lutsenko, “Depot” brending agentligi katta strategi (Rossiya);
- Boris Omelniskiy, Yandex strategik rivojlanish bo‘yicha direktori (Rossiya);
- Anna Zakirova, “Kapitalbank” ATB marketing bo‘yicha direktori (O‘zbekiston);
- Arseniy Zyabbarov, “FMT.JETLAG” asoschisi (BAA);
- Jahongir Madmusayev, “PR.uz” bosh muharriri (O‘zbekiston);
- Dmitriy Muzichenko, “E+ Awards” rivojlanish va innovatsiyalar bo‘yicha direktori (Rossiya);
- Orxan Kerimov, “Cannes Lions International Festival of Creativity”da (Ozarbayjon);
- Erken Kagarov “Artemiy Lebedev studiyasi”da art-direktor (Rossiya);
- Ivan Churilin, “ABC show” prezidenti (Rossiya).
Barcha ma’ruzachilarning chiqishlari o‘zbek tiliga sinxron tarjima bilan beriladi. Festivalda qatnasha olmaydiganlarga qulay bo‘lishi uchun eng qiziqarli axborot “Makon Marketing” YouTube kanaliga joylanadi.
Konferensiya doirasida jahonning eng yaxshi reklama posterlarining xayriya kim oshdi savdosi o‘tkaziladi, undan tushgan mablag‘ “Ezgu Amal” fondiga o‘tkaziladi.
Xalqaro reklama konferensiyasi yakunlanishi bilan, soat 18:00 da noyob “ABC show” – jahonning eng yaxshi reklamalari kolleksiyasining namoyishi bo‘ladi. Kolleksiya har yili yangilanadi, bu 45 ta jahon reklama va marketing festivallarida sovringa ega bo‘lgan eng yaxshi video-roliklarning bir soatli namoyishidir.
Tashkilotchilar – O‘zbekiston Monopoliyaga qarshi kurashish qo‘mitasi, O‘zbekiston marketing uyushmasi.
Bosh hamkor – “Xonsaroy” qurilish kompaniyasi.
Festival to‘g‘risida batafsil ma’lumot: marketing.uz
TAF!22 konferensiyasiga chiptalar: iticket.uz
Ma’lumotlar sheriklik huquqi asosida tayyorlandi
Izoh (0)