Бугун,

  • USD 11095.31
  • RUB 173.84
  • EUR 10772.44

Россия Хавфсизлик кенгаши котиби Николай Патрушевнинг ўғли, қишлоқ хўжалик вазири Дмитрий Патрушев Владимир Путин Россия президентлигидан кетган тақдирда, ушбу лавозимга даъвогарлик қилиши мумкин. Бу ҳақда The Washington Post сиёсий таҳлилчиларга ва Николай Патрушевга яқин манбага таяниб ёзмоқда.

Фото: The Mirror

Фото: The Mirror

Газета қайд этишича, октябрда 45 ёшга тўладиган Дмитрий Патрушев Россия ҳокимиятида авлодлар алмашинуви иштирокчисига айланиши мумкин.

«У бир кунга бош вазир бўлиши мумкин, эртаси куни эса президентга айланади», — деди нашрнинг қишлоқ хўжалик вазирининг отасига яқин манбаси. Газета суҳбатдоши қайд этишича, Патрушев «бир нечта тилларда сўзлаша олади», «ёш» ва «урушда қатнашмаган».

Мухолифатчи Алексей Навальнийнинг эркин сайловларда ғолиб бўлиш эҳтимоли бўлса-да, таҳлилчилар уни Путиндан кейинги президент сифатида кўрмаяпти, деб ёзади The Washington Post. Бу Навальний, Дмитрий Патрушевдан фарқли ўлароқ, «элиталар душмани» экани билан изоҳланди. «Патрушев — тизим одами. Агар у: ‘менинг позициям мана шунақа, Федерация кенгаши ва Давлат думасининг ярми мен томонда турибди, келинглар сайловларни белгилаймиз’, — деса, у давлат позициясидан гапираётган бўлади. Навальний эса кўчадан келган одамдек гапиради, холос», — дея тушунтирди Николай Патрушевнинг собиқ маслакдоши.

Путиннинг лавозимига бошқа эҳтимолий даъвогарлар сифатида WP бош вазир Михаил Мишустин, Москва мэри Сергей Собянин, президент администрацияси раҳбари ўринбосари Дмитрий Козак, президент собиқ қўриқчиси, Тула вилояти раҳбари Алексей Дюмин, шунингдек, Николай Патрушевни тилга олди.

Сўнгги вақтларда жамоатчилик орасида фаоллашиб, Мудофаа вазирлиги ва Бош штабни танқид қилишни ўзига эп кўраётган Рамзан Қодиров ва Евгений Пригожинни таҳлилчилар давлат раҳбари лавозимига ҳақиқий даъвогарлар деб атамади. Улар, катта эҳтимол билан, ҳокимият учун эмас, балки биринчи ўринда пул ва нуфуз учун курашмоқда, дея тахмин қилди улар.

Таъкидланишича, Путиннинг президент лавозимидан айрилиши эҳтимоли ҳақидаги муҳокамалар Россиянинг халқаро майдонда яккалаб қўйилиши, шунингдек, фронтдаги муваффақиятсизликлардан ички норозиликлар фонида кучайган.

«Ҳозирги вазиятдан тўйиб кетган одамлар кўп, деб ўйлайман. Уларнинг фикрича, Путиннинг яроқлилик муддати тугаган», — деди Лондон Университет коллежи Славян ва Шарқий Европа тадқиқотлари мактабидан Марк Галетти. Унинг таъкидлашича, Россиянинг «прагматик элитаси» ҳозирча Путинга қарши чиқиш хавфлари «бош эгиб» ишлашда давом этиш хавфларидан юқори деб ҳисоблайди. «Путин ҳамон хавфсизлик аппаратини назорат қилади, ва бу, эҳтимол, энг муҳим омил, лекин у заиф», — деди эксперт.

Сиёсатшунос Татьяна Становаянинг фикрича, ҳокимиятдаги ўзгаришларни олдиндан тахмин қилиш жуда қийин. «Agentura.ru» сайти бош муҳаррири Андрей Солдатов айтишича, у давомчилар масаласи муҳокамасига «шубҳа билан ёндашади, чунки элита вакиллари «ғазабланяпти, тўғри, лекин бу улар ҳаракатга ўтишга тайёр дегани эмас».

Июль ойида The Washington Post Дмитрий Патрушевнинг отаси, Хавфсизлик кенгаши котиби Николай Патрушев Кремлда «ҳаракатлантирувчи куч»га айланга, унинг омма олдидаги нутқлари эса келажакда Владимир Путиннинг лавозимини эгаллаш истагидан дарак бериши мумкинлиги ҳақида ёзганди.

Дмитрий Патрушев Қишлоқ хўжалиги вазирлигига 2018 йилдан буён раҳбарлик қилмоқда. Унгача саккиз йил давомида «Росселхозбанк»ни бошқарган, шунингдек, ВТБда катта вице-президент лавозимида ишлаган.

Изоҳ
Асосий янгиликлар
Дунё
Фото: Зарбалардан кейин чироқсиз қолган Украинанинг коинотдан кўриниши
Маҳаллий
Андижонда Isuzu ва юк машинаси тўқнашиши оқибатида 41 киши жароҳатланди, 3 нафари воқеа жойида ҳалок бўлган
Дунё
Сена дарёси бўйлаб сайр: турли-туман қиёфалар ва машҳур тарихий обидалар — суратларда