Балх вилоятининг Ҳайратон портида 5 октябрь, чоршанба куни Ўзбекистон чегара қўшинлари офицерлари «Толибон» ҳаракати вакиллари билан учрашди. Бу ҳақда Афғонистон Миллий Мудофаа вазирлигининг расмий Twitter саҳифаси маълум қилди.
Учрашувда томонлар ҳар қандай қарама-қаршиликларни мулоқот орқали ҳал қилишга келишиб олди, чегарачилар ўртасидаги мувофиқлаштириш ва алоқа механизмлари ҳам муҳокама қилинди.
Бундан ташқари, икки давлат вакиллари чегарани ноқонуний кесиб ўтиш ҳолатларининг олдини олиш бўйича келишувга эришди.
Қайд этилишича, Ўзбекистон делегациясига ДДД полковниги Холиқ Назар, «Толибон» ҳаракатидан — 209-ал-Фатҳ армия корпуси чегара қўшинлари 6-бригадаси қўмондони Мансур Мавлавий бошчилик қилган.
Изоҳ (0)