Бугун ва дам олиш кунлари Ўзбекистон ҳудудининг катта қисмида ҳали ҳам қуруқ ва бироз илиқ об-ҳаво сақланиб туради, деб хабар бермоқда «Ўзгидромет».
Фақат 7 октябрь, жума куни Кавказ ҳудудларидан антициклон республиканинг энг шимолига кириб келиши натижасида Қорақалпоғистонда бироз ёмғир ёғиши мумкин.
Шанба куни антициклон республика ҳудудларига тарқала бошлайди. Кундуз куни ҳарорат фони бироз кўтарилади ва 24-27 даража атрофида бўлади. Бу ушбу куннинг меъёрий қийматларидан кўпдир. Шимолда ва чўл ҳудудларда баъзи жойларда шамол 15-18 метр/секундгача кучайиши, айрим жойларда чанг-тўзонлар кузатилиши мумкин.
Якшанба куни ёғингарчилик кутилмайди. Совуқ антициклон таъсирида ҳаво ҳарорати кечаси 5-8 даража илиққача, кундузи 20-24 даражагача пасаяди.
Мавзуга доир: Ўзбекистоннинг айрим ҳудудларида 8 октябрь куни кечаси ҳарорат 3 даражагача тушади
Изоҳ (0)