Bugun va dam olish kunlari O‘zbekiston hududining katta qismida hali ham quruq va biroz iliq ob-havo saqlanib turadi, deb xabar bermoqda “O‘zgidromet”.
Faqat 7-oktabr, juma kuni Kavkaz hududlaridan antisiklon respublikaning eng shimoliga kirib kelishi natijasida Qoraqalpog‘istonda biroz yomg‘ir yog‘ishi mumkin.
Shanba kuni antisiklon respublika hududlariga tarqala boshlaydi. Kunduz kuni harorat foni biroz ko‘tariladi va 24-27 daraja atrofida bo‘ladi. Bu ushbu kunning me’yoriy qiymatlaridan ko‘pdir. Shimolda va cho‘l hududlarda ba’zi joylarda shamol 15-18 metr/sekundgacha kuchayishi, ayrim joylarda chang-to‘zonlar kuzatilishi mumkin.
Yakshanba kuni yog‘ingarchilik kutilmaydi. Sovuq antisiklon ta’sirida havo harorati kechasi 5-8 daraja iliqqacha, kunduzi 20-24 darajagacha pasayadi.
Mavzuga doir: O‘zbekistonning ayrim hududlarida 8-oktabr kuni kechasi harorat 3 darajagacha tushadi
Izoh (0)