Халқаро туризмни ривожлантириш мақсадида Orient Silk Road Express номли туристик чартер поезди янги рейси ҳаракатланади.
«Ўзтемир йўлйўловчи» матбуот хизматининг маълум қилишича, 7—18 октябрь кунлари Олмаота–Тошкент–Қамаши–Китоб–Самарқанд–Хива–Бухоро–Хўжанд–Тошкент йўналишидаги туристик чартер поезди Германиянинг Lernidee Erlebnisreisen туристик компанияси ва «Ўзбекистон темир йўллари» АЖ ҳамкорлигида бу йил иккинчи марта ҳаракатланади.
Туристик чартер поезди Европа Иттифоқи ва бошқа бир неча давлатлар — Франция, Голландия, Бельгия, АҚШ, Германия, Австрия, Буюк Британия ва Канада саёҳатчиларига хизмат кўрсатади.
Изоҳ (0)