Бугун,

  • USD 11095.31
  • RUB 173.84
  • EUR 10772.44

Куннинг нотўғри бошланиши кайфият ва умумий ҳолатга салбий таъсир кўрсатиши, иш фаолиятини пасайтириши мумкин. Marie Claire нашри уйғонгандан кейин қандай ҳаракатларни одатга айлантирмаслик кераклигини маълум қилди.

Фото: Marie Claire

Фото: Marie Claire

Уйқу инсон ҳаётининг деярли учдан бир қисмини эгаллайди ва организмни дам олиш ва интенсив равишда тиклаш учун мўлжалланган. Ўз навбатида, уйғониш жараёни ва тонгги соатлар куннинг қолган қисми қандай ўтишини белгилайди. Шунинг учун уни тўғри бошлаш жуда муҳимдир. Қолаверса, куннинг соғлом бошланишига ҳам, унумдорлигига ҳам ҳисса қўшмайдиган бир қатор одатлар мавжуд.

Уйғоткич учун кўп сигналларни ўрнатмаслик

Эрталаб соғлиқ учун энг яхши сармоя — бу сигнал чалингандан сўнг дарҳол уйғонишни ўрганиш ва уни беш дақиқага кечиктирмаслик. Чунки бу яна уйқуга олиб келади.

Эрталаб туришни осонлаштириш учун уйқу гигиенаси деб аталадиган қоидаларга риоя қилиш керак: ётишдан олдин овқатланмаслик, телефонда вақт ўтказмаслик ёки кечқурун телевизор кўрмаслик. Аниқ уйқу режимини ўрнатиш тавсия этилади.

Уйқудан туриб, дарҳол телефонга қарамаслик

Бу жуда кўп салбий оқибатларга олиб келадиган энг кенг тарқалган ёмон одатлардан биридир. Биринчидан, жуда кўп вақтни олади: ижтимоий тармоқларни текшириш ва хабарларни ўқиш, янгиликлар — дақиқалар соатларга айланиши мумкин. Иккинчидан, уйғонгандан сўнг дарҳол экран билан алоқа қилиш асаб тизимининг ҳолатига ёмон таъсир қилади. Таъкидланишича, бу ҳолатда ёмон кайфият, хавотир ва фаолликнинг сусайиш хавфи ортади.

Уйғонгандан сўнг дарҳол ётоқдан сакраб тушмаслик

Кўз очилиши билан организм ҳали тўлиқ уйғонишга улгурмайди. У мунтазамликка муҳтож, уйғониш ҳолатига ўтиш учун вақт керак. Организм учун тўғри ҳолатни танлаш ва асабийлашишнинг олдини олиш учун ётоқда ётиш, нафас олиш ёки енгил машқларни бажариш мумкин.

Оч қоринга қаҳва ичмаслик ва нонуштани ўтказиб юбормаслик

Нима учун нонуштани ўтказиб юбормаслик керак? Гормонлар ишлаб чиқарилиши туфайли одам узоқ вақт тўқликни ҳис қилади, иштаҳаси пасаяди, бу эса ўз навбатида вазн камайишига олиб келади. Ортиқча вазн хавф омилларидан бири бўлиб, уйқу апнеси синдромининг ривожланишига сабаб бўлади — бу касалликда уйқу пайтида нафас олиш тўхтаб қолади ва қонда кислород даражаси пасаяди. Бундан ташқари, миёкард инфаркти ва инсультнинг ривожланиш хавфи ошади.

Ўз навбатида, оч қоринга қаҳва ичиш ошқозон шиллиқ қаватини безовта қилиши мумкин, шунинг учун қаҳвани бир стакан сув билан алмаштирган маъқул. Нонуштадан кейингина бир чашка хушбўй қаҳва ичиш тавсия этилади.

Қон босими юқори бўлган одамлар бу борада кўпроқ ҳушёр бўлиши керак. Шунингдек, эрталаб қон босимини назорат қилиш ва дори-дармонларни қабул қилишни ўтказиб юбормаслик керак, чунки статистик маълумотларга кўра, инсульт ва инфарктнинг аксарияти тонгда юз беради. Шунинг учун ҳам кунни сигарет чекиш каби ёмон одат билан бошламаслик керак. Қолаверса, чекишнинг ўзи соғлиқ учун жуда зарарли.

Изоҳ
Асосий янгиликлар
Дунё
Фото: Зарбалардан кейин чироқсиз қолган Украинанинг коинотдан кўриниши
Маҳаллий
Андижонда Isuzu ва юк машинаси тўқнашиши оқибатида 41 киши жароҳатланди, 3 нафари воқеа жойида ҳалок бўлган
Дунё
Сена дарёси бўйлаб сайр: турли-туман қиёфалар ва машҳур тарихий обидалар — суратларда