Эрлинг Ҳоланд бонуслар эвазига АПЛ учун рекорд даражадаги маош олмоқда

«Манчестер Сити» ҳужумчиси Эрлинг Ҳоланднинг маоши билан боғлиқ айрим тафсилотлар маълум қилинди.

Daily Mail нашрининг хабар қилишича, норвегиялик футболчининг Манчестер клубидаги ҳафталик маоши 865 минг фунтни ташкил этмоқда. Ҳоланд шартномада кўрсатилган осон эришиладиган кўрсаткичлар эвазига яхшигина бонус пулларига эга бўлмоқда.

Ҳафтасига 865 минг фунт — Премер Лига футболчилари учун рекорд маош. Бу уни АПЛдаги энг кўп маош оладиган футболчига айлантиради.

Солиштириш учун, «Манчестер Юнайтед» форварди Криштиану Роналду ҳафтасига 480 минг фунт маош олади, «Манчестер Сити» вакили Кевин де Брюйненинг ҳафталик маоши 375 минг фунтга тенг.

Ҳоланд жорий мавсум 12 та ўйинда иштирок этиб, 19 та голга муаллифлик қилди.

Мавзуга доир:

• Эрлинг Ҳоланд Чемпионлар Лигасида ўзига хос натижа қайд этди
• Пеп Гвардиола Ҳоланд ва Мессини ўзаро солиштирди
• Роналду АПЛда 232 та ўйинда эришган натижани Эрлинг Ҳоланд 8 та учрашувда қайд этди