«Унинг оёғини синдираман». «Интер» футболчиси «Барселона»га қарши ўйиндан сўнг таҳдидга учради

«Интер» футболчиси Алессандро Бастони «Барселона»га қарши учрашувдан сўнг (1:0) таҳдидга учради.

Бу ҳақида футболчининг рафиқаси ижтимоий тармоқларда маълум қилди ва почтага келиб тушган бир нечта хатларни илова тариқасида жойлади, дея хабар беради Cоrriere dello Sport нашри.

Хабарларнинг бирида: «Турмуш ўртоғингнинг оёғини синдираман. Мен уйларинг атрофидаман. Уни отаман ва у ортиқ футбол ўйнай олмайди», — деган ёзувлар бўлган.

«Барселона» мухлисларининг бундай муносабатига Бастонининг Instagram саҳифасига жойлаган сурат сабаб бўлиши мумкин.

Алессандро ижтимоий тармоққа «кўк-анорранглилар» футболчиси Гавини либосидан тортиб, майдонда судраётгани акс этган расмни жойлаб, «қалб ва характернинг ғалабаси», деган ёзувни қолдирган.

Эслатиб ўтамиз, ЕЧЛ гуруҳ босқичи 3-турдан ўрин олган ўйинда «Интер» «Барселона» устидан 1:0 ҳисобида ғалаба қозонди. C гуруҳида «нераззурилар» 6 очко билан 2-ўринни эгаллаб турган бўлса, каталонияликлар 3 очко билан 2-поғонани банд этган.

Мавзуга доир:

• «Барселона» Чемпионлар Лигасида антирекорд қайд этди
• Хави «Интер»га қарши ўйиндан сўнг: «Мен адолатсизликдан ғазабдаман, пенальти берилиши керак эди»