Бугун,

  • USD 11095.31
  • RUB 173.84
  • EUR 10772.44

Хурмо ғайриоддий таъмга эга бўлиши билан бирга, жуда кўп фойдали хусусиятларга эга. Унинг таркибидаги озуқавий компонентлар бутун инсон организмига фойдали таъсир кўрсатади. Асаб тизими, суяк, тиш, тери ва кўзлар саломатлигини қўллаб-қувватлайди, иммунитет тизимини мустаҳкамлайди, қариш белгиларини секинлаштиради, саратон касаллигининг олдини олади, метаболизмни яхшилайди ва қон босимини пасайтиради, деб ёзади «Новий очаг».

Фото: Pinterest

Фото: Pinterest

Хурмонинг асосий қиймати кўп миқдордаги антиоксидантларнинг мавжудлигидадир. Мисол учун, сабзи, қалампир ёки қовоққа қараганда хурмода А витаминининг асоси бўлган бета-каротин кўпроқ. А витамини биринчи навбатда организм ҳужайраларининг янгиланиши учун муҳимдир, уларни йўқ бўлишдан ҳимоя қилади, қариш жараёнига қарши курашади.

Хурмода кўп миқдорда C витамини мавжуд — бир мевада, кунлик эҳтиёжнинг тахминан 110 фоизи ва B гуруҳи витаминлари. Бу витаминлар иммунитет тизимини рағбатлантиради, организмнинг вирусли ва бактериал инфекцияларга чидамлилигини оширади. Етарли миқдорда хурмо таркибида мавжуд бўлган П витамини қон томирларига фойдали таъсир кўрсатади. Юрак-қон томир касалликлари ривожланиш хавфи остида бўлганлар учун хурмони рационга киритиш тавсия этилади.

Шунингдек, хурмо кўплаб микроэлементларни ўз ичига олади. Унда организмдан ортиқча сувни чиқариб ташлашга ёрдам берадиган калий мавжуд. Магний юрак мушакларининг ишини меъёрлаштиради, асаб тизимига фойдали таъсир кўрсатади ва бошқа озиқ моддаларнинг сўрилишини яхшилайди. Магний натрий тузларини чиқариб ташлашга ёрдам беради, шу билан буйракда тошлар пайдо бўлиши эҳтимолини камайтиради.

Қолаверса, хурмо бир қатор фойдали хусусиятларга эга.

Қон босимини назорат қилади

Хурмо гипертоник беморлар учун фойдали маҳсулотдир. Хурмо таркибидаги калий томир кенгайтирувчи хусусиятга эга, яъни у қон босимини сезиларли даражада пасайтиради. Маҳсулот таркибидаги мис қизил қон ҳужайраларини ишлаб чиқариш учун муҳим элемент ҳисобланади. Шунинг учун хурмо юрак касалликларини ривожланиш хавфини камайтирадиган маҳсулотлар рўйхатига киритилган.

Холестерин даражасига таъсир қилади

Олимлар томонидан олиб борилган тадқиқотлар шуни кўрсатдики, хурмо қондаги холестерин даражасига таъсир қилиши мумкин. Бу таъсирнинг сабаби хурмони ташкил этувчи танинлардир.

Вирусга қарши восита

Бактериялардан ҳимоя қиладиган ва инфекция тарқалишининг олдини оладиган танинлар туфайли хурмо вирусга қарши хусусиятга эга.

Саратонга қарши таъсирга эга

Хурмо жуда кўп миқдордаги саратонга қарши моддаларни ўз ичига олади. Улар организмни ҳужайра метаболизмининг қўшимча маҳсулоти бўлган ва соғлом ҳужайраларни мутацияга олиб келадиган эркин радикаллардан ҳимоя қилади. Натижада, зарарланган тўқималар ҳудудида ўсимта пайдо бўлади. Хурмонинг бир қисми бўлган антиоксидантлар бу хавфли жараёнларнинг олдини олади ва тўхтатади. Хурмода кўп миқдорда мавжуд бўлган фенолик бирикмалар, А ва C витаминлари саратон касаллигидан самарали ҳимояланиш учун жуда муҳимдир.

Иммунитет тизимини мустаҳкамлайди

Хурмо иммунитет тизимини рағбатлантирадиган, микроб ва вирусларга қарши курашадиган оқ қон ҳужайралари (лейкоцитлар) ишлаб чиқаришни фаоллаштирадиган C витаминини ўз ичига олганлиги сабабли иммунитетни мустаҳкамлаш учун ажойиб восита ҳисобланади.

Овқат ҳазм қилишни яхшилайди

Хурмо аксарият мевалар сингари клетчатканинг ажойиб манбаидир. Клетчатка ичак ҳаракатчанлигини кучайтиради, меъда ширасининг секрециясини яхшилайди, шунингдек, диарея ёки ич қотишини енгиллаштиради. Ортиқча вазнли одамлар учун хурмо тезроқ вазн йўқотишга ёрдам беради.

Метаболизмни тезлаштиради

B гуруҳи витаминлари организмдаги кўпгина ферментатив жараёнларнинг муҳим таркибий қисмидир. Ҳазм қилиш жараёнининг фаоллиги эса соғлом метаболизмдир.

Организмни ёшартиради

Бета-каротин, лутеин ва ликопен инсон организмида антиоксидант сифатида ишлайди, яъни улар эрта қариш белгиларининг олдини олади. Хурмони мунтазам истеъмол қилиш ажин, ёш ўтиши билан тушадиган доғлар, Альцгеймер касаллиги, сурункали чарчоқ, кўриш қобилиятининг пасайишидан ҳимоя қилади.

Кўзларни даволайди

Мева таркибига кирадиган А витамини, лутеин ва ликопен кўриш қобилиятини сезиларли даражада яхшилайди. Ушбу моддалар катаракт каби хавфли касалликнинг олдини олади.

Хурмонинг зарарли томонлари

Ошқозон-ичак тракти билан боғлиқ сурункали касалликларнинг кучайиши пайтида хурмо истеъмол қилиш тавсия этилмайди. Буйрак тоши билан боғлиқ муаммолари бўлган беморлар учун ҳам ушбу меванинг ножўя таъсирлари бўлиши мумкин.

Қандли диабет билан оғриган одамлар хурмони эҳтиёткорлик билан истеъмол қилиши керак, чунки у жуда кўп углеводларни ўз ичига олади, унинг миқдори 25 фоиз глюкоза ва фруктозадир. Бу борада, албатта, шифокор билан маслаҳатлашиш лозим.

Шунингдек, гипотоник беморлар ҳам хурмони истеъмол қилишда эҳтиёт бўлиши керак, чунки хурмо қон босимини пасайтиради. Бироқ бу маҳсулотни меъёрида тановул қилишнинг ҳеч қандай зарари йўқ.

Изоҳ
Асосий янгиликлар
Дунё
Суриядаги курдлар Россиядан ҳудудларини ҳимоя қилишда ёрдам сўради
Маҳаллий
Ўзбекистонда 2023 йилда мева ва сабзавотлар нархи жиддий ўсиши кутилмоқда
Дунё
Ким Чен Ир топшириғи билан уюштирилган теракт, самолёт бошқариб ҳалокатга учраган «Формула-1» чемпиони ва немислар томонидан қатл этилган Космодемянская. Кун хроно...