«Реал» ҳужумчиси Карим Бензема Ла Лига 7-тури доирасида «Осасуна»га қарши кечган баҳсда (1:1) пенальтидан унумли фойдалана олмади.
Франциялик ҳужумчининг тепган тўпи дарвоза устунига тегди. 2022 йилда Бензема 15 та уринишдан бешта пенальтини голга айлантира олмади.
Уларнинг учтаси «Осасуна»га қарши ўйинда юз берди. 2022 йилнинг апрелида Ла Лига доирасида кечган баҳсда (3:1) Карим икки бор пенальтидан гол уролмаганди. Ҳар икки зарбани Серхио Эррера бартараф этган.
Яна «Сельта» ва «Элче»га қарши учрашувларда ҳам Бензема 11 метрлик жарима зарбасини гол айлантира олмаган.
Бунга қадар 34 ёшли футболчи фаолияти давомида уч марта пенальтидан фойдалана олмаган.
Изоҳ (0)