«Пахтакор» бош мураббийи Максим Шацких Суперлига 20-тури доирасида «Насаф»га қарши кечган баҳсдаги мағлубиятдан (0:1) сўнг ўз фикрлари билан ўртоқлашди.
Ўйин ҳақидаУшбу ўйиндан кейин «Насаф» 41 очко билан пешқадамга айланди. «Пахтакор» ҳисобида эса 38 очко бор.Бу ўйинда биз биринчи навбатда хоҳишда ютқаздик. «Насаф» ғалабани кўпроқ хоҳлади. Шу боис меҳмонлар ютди. Биринчи бўлимдаги ўйинимиз жуда ёмон бўлди.
Терма жамоа ўйинларидан кейин доим шундай бўлган. Терма жамоа йиғинидан йигитлар чарчаган ҳолда етиб келди. Бундан ташқари айрим футболчилар бизга ёрдам бера олмади.
Иккинчи бўлимда ўзгаришлар қилдик, рақибни ҳар томонлама мағлуб этдик. Аммо сўнгги узатмани бера олмадик. Шунга қарамай иккинчи бўлимда биринчисидан яхши ўйнадик.
Ўйинга танланган услуб ҳақида
Ҳеч нарсадан қўрқмадик. Бизда тактик ишланмалар кўп, исталган пайтда ўзгартиришимиз мумкин. Ким тактикаларни тушунса 3-5-2 ва 3-4-3 ҳужумкор схемалар. Афсуски биринчи бўлимда марказий ҳимоячилар бизнинг кўрсатмаларни тўғри бажармади. Иккинчи бўлимда эса тактикани ўзгартирдик ва ўйинимиз ўзгарди. Доим ўзимизга маъқул тактикани излаймиз.
Алижоновнинг захирага олингани борасида
Алижонов терма жамоада иккита ўйин ўтказди ва узоқ сафардан учиб келди. Чарчоқ аломатлари сезилди. Олдинда олтита ўйин бор. Ҳали ҳеч нарса йўқотилмади. Ҳар бир ўйинда ғалаба учун тушамиз.
Афсуски, энди барчаси бизга боғлиқ эмас. Ўйиндан олдин айтгандим: ҳаммаси ўз қўлимиз, оёғимиз ва бошимизда. Мағлубиятсиз ғалаба бўлмайди.
Турғунбоевни қанот ҳимоясида ўйнагани ҳақида
У ҳимоячи эмас, буни билардик. Аммо ўз вақтида бу жойда ўйнаш амалиёти бўлгани учун шу жойга қўйдик. Ўйин бўйича эътироз деярли йўқ. Ҳимояда яхши ўйнади, бироқ ҳужумда янада фаолроқ бўлишини хоҳлардим.
Максим Шацких, «Пахтакор» бош мураббийи
Изоҳ (0)