Ўзбекистонда истиқомат қилувчи 35 миллиондан ортиқ аҳолининг 2 миллиондан ортиғи хорижда меҳнат қилиб, даромад топаётгани маълум бўлди. Бу ҳақда Бандлик ва меҳнат муносабатлари вазири Нозим Ҳусанов Қирғизистон пойтахти Бишкек шаҳрида бўлиб ўтган «Меҳнат бозори бўйича Евросиё мулоқоти»да маълум қилган.
Айни пайтда якка тартибдаги тадбиркорлик фаолияти турларини 80 тага етказдик. Натижада 2022 йилнинг ўтган саккиз ойида 778 минг нафардан ортиқ ишсиз фуқаролар якка тартибдаги тадбиркор сифатида рўйхатга олинди. Кўрсаткичлар бўйича 1,8 миллиондан ортиқ фуқаро якка тартибдаги тадбиркор сифатида рўйхатга олинди», — деди вазир Нозим Ҳусанов.Таъкидланишича, 2022 йилда 288,7 минг нафар ишсиз фуқаро мавжуд бўш иш ўринларига ишга жойлаштирилган. Улардан 26,6 минг нафари (9,2 фоизи) номзодларнинг малакаси эълон қилинган касбларга мос келмаслиги сабабли иш берувчилар томонидан рад этилган.
Бундан ташқари, ишлаб чиқариш, хизмат кўрсатиш ва ижтимоий инфратузилма даражаси пастлигича қолаётган қишлоқ жойларда яшовчи 100 мингдан ортиқ фуқаронинг бандлигини таъминлаш бўйича чора-тадбирлар кўрилмоқда. Хусусан, касаначилик учун иш ўринлари яратиш учун имтиёзлар ва субсидиялар бериш тизими жорий этилди. Айни пайтда 20 мингдан ортиқ хотин-қиз касаначилик асосларига ўқитилмоқда, 10 мингдан ортиқ хотин-қиз аллақачон уйида меҳнат қилмоқда. Аҳолининг ижтимоий ҳимояга муҳтож қатламлари, хусусан, ёшлар, кам таъминланган оила аъзолари ва аёллар бандлигини таъминлашга кўмаклашиш чоралари кўрилмоқда», — дейди вазир.
Вазирнинг қўшимча қилишича, 35 миллиондан ортиқ аҳолига эга Ўзбекистон Марказий Осиё минтақасидаги энг кўп аҳолига эга давлат ҳисобланади. Аҳолининг йиллик ўсиши икки фоизни ташкил этади, бу эса ўз навбатида мамлакат иқтисодий ривожланишининг двигатели бўлиб, янги иш ўринларини яратиш учун демографик босимни ҳам келтириб чиқаради.
Ҳар йили меҳнат бозорига 600-700 минг киши чиқади. 2022 йил июль ҳолатига кўра ишсизлик даражаси 8,8 фоизни ташкил этди (жорий йил бошида — 9,6 фоиз). Бироқ, шунга қарамай, Ўзбекистонда меҳнат бозори кучли босим остида. Айни пайтда фуқароларимизнинг хорижда вақтинчалик меҳнат фаолиятини амалга ошириши учун зарур шароитлар яратилмоқда. Хусусан, айни пайтда 2 миллиондан ортиқ Ўзбекистон фуқароси хорижий мамлакатларда меҳнат қилмоқда. Уларнинг ҳуқуқ ва манфаатлари ҳимоясини таъминлаш масалаларига устувор аҳамият берамиз», — дейди Нозим Ҳусанов.
Изоҳ (0)