Халқ орасида шундай гап бор, агар шамоллаш даволанмаса, бир ҳафта ичида ўтиб кетади, даволанса, етти кун давом этади. Ҳазил тагида бироз бўлса-да ҳақиқат бор. Аммо соғайишни тезлаштиришнинг имкони бўлмаса ҳам, касаллик жараёнини енгилроқ ўтказиш мумкин. «Новий очаг» нашри гриппни енгиллаштиришга ва тезроқ тузалиб кетишга ёрдам берадиган маслаҳатлар билан бўлишди.
Шикоят қилиш ва ёрдам сўраш
Олимларнинг аниқлашича, касал одам маълум бр сабабга кўра, эътибор ва қўллаб-қувватлашни хоҳлайди. 2015 йилда олиб борилган тадқиқот шуни тасдиқладики, атрофдаги одамлар беморга ҳамдардлик ва эътибор кўрсаца, оғриқ камроқ бўлади. Шунинг учун бетоб инсонга ҳамдард бўлиш унинг тезроқ соғайишига ёрдам беради.
Табассум қилиш
Инсон шамоллаганда, кўпроқ ўзини қизиқарли нарсалар билан чалғитиши лозим. Масалан, кўнгилочар кўрсатувлар ёки севимли фильмларни томоша қилиш мумкин. Кулги иммунитетни мустаҳкамлайди, оғриқ туйғусини камайтиради ва стрессни енгиллаштиради – бу айнан бемор учун керак бўлган нарса.
Тўйиб ухлаш
Тунда уйқу сифати жуда муҳим. Яқинда ўтказилган тадқиқот шуни кўрсатдики, кўп ухлаган беморлар грипп ва бошқа вирусли касалликлардан тезроқ тузалиб кетади. Аммо буруннинг оқиши ва йўтал тунги дам олишга тўсқинлик қилади. Уйқу сифатини таъминлаш учун ётоқ етарлича баланд бўлиши керак. Шунингдек, хона ҳарорати ва қоронғилиги ҳам муҳим аҳамиятга эга.
Товуқ ва сабзавотли шўрваларни истеъмол қилиш
Бемор учун товуқ гўштили бульон ҳақиқатан ҳам доридир: иссиқ, ёғли суюқлик бурун шиллиқ қаватининг намлигини сақлашга ёрдам беради, ўпкада балғамни суюлтиради ва йўтални енгиллаштиради. Қолаверса, товуқ бульони иммунитет тизимини қўллаб-қувватлаш ва вирусга қарши курашиш учун организмга бироз кўпроқ куч бериш усулларидан биридир.
Кўпроқ чой ичиш
Кўп миқдорда иссиқ ичимлик ичиш — тез соғайиш учун яна бир имконият. Шифокорлар нафақат илиқ мевали ёки лимонли ичимликни, балки занжабил ва зарчавали ўсимлик чойини ҳам ичишни тавсия қилади. Занжабил кучли яллиғланишга қарши таъсирга эга, зарчава эса иммунитетни қўллаб-қувватлайди. Шамоллаш ва гриппнинг хавфли асоратлари хавфини камайтиришга ёрдам беради. Айтганча, бу иккала ичимликни ҳам шамоллашда ажралмас антиоксидант, антибактериал ва микробларга қарши хусусиятларга эга асал билан ичиш керак.
Изоҳ (0)