Ҳозирда кўпчилик фаол ҳаёт тарзидан узоқда. The Voice Mag нашри иш фаолияти ҳаракатсиз тарзда кечадиган инсонлар учун зарарни қандай камайтириш бўйича 5 та лайфхак билан бўлишди.
Сўнгги бир неча йил ичида масофавий иш инсонлар ҳаётининг ажралмас қисмига айланди ва ўзи билан жуда кўп афзалликларни олиб келади. Бироқ ҳаракатсиз турмуш тарзи саломатликка салбий таъсир қилади ва буни эсга олиш керак. Яхшиси ҳаракатсиз турмуш тарзининг зарарини камайтириш бўйича маслаҳатларга амал қилиш қилиш керак.
Зинадан юқорига чиқиш
Лифт — бу инсониятнинг ажойиб ихтироси, аммо ҳаракатсиз ҳаёт тарзига эга инсонларга зинапоядан чиқиш тавсия этилади. 20-қаватда яшовчилар ҳам камида 5-қаватгача пиёда чиқиши керак. Зинадан кўтарилиш юрак-қон томир тизими учун жуда яхши, бундан ташқари, асосий мушак гуруҳлари ҳам бу жараёнда иштирок этади.
Пиёда юриш
Транспортда ҳаракатланувчиларга ҳам худди шундай тавсия бериш мумкин. Иложи бўлса, пиёда юриш керак. Юриш — бу аэробик машқларнинг энг осон шакли. Мускуллар мустаҳкамланади, юрак-қон томир тизими яхшиланади, калориялар сарфланади.
Тез-тез тик туриш
Ҳаракатсиз турмуш тарзи одамни стул, кресло ва каравотга боғлайди. Лекин инсон учун турли хил нарсаларни ихтиро қилиб, иложи борича кўпроқ ҳаракат қилишга ва тез-тез туришга ҳаракат қилиш лозим. Қўлни ювиш, сув ичиш, деразадан ташқарига қараш орқали енгил ҳаракат қилиш тавсия этилади.
Фитнес-билагузукдан фойдаланиш
Ҳаракатсиз турмуш тарзида фитнес-билагузук ёрдамга келади. У босган қадамлар сонини кузатиб боради, сув балансини вақтида тўлдиришни эслатади, стресс даражасини назорат қилади.
Машқлар бажариш
Эрталаб машқ қилишнинг фойдалари ҳақида абадий гапириш мумкин, лекин бунинг чиндан ҳам фойдалари бор. Ҳатто 10 дақиқа қизиш, мушакларни чўзиш, энг оддий машқларни бажариш ҳам кунни тетик бошлаш учун ажойиб танлов ҳисобланади.
Изоҳ (0)