Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Актриса Ҳалима Ибрагимова ўзи учун яратилган янги образда мухлисларига кўриниш берди.
Инстаблогер, телебошловчи ва хонанда Ҳуснора Шодиева актёр Алишер Узоқов билан Германияга, форумда иштирок этиш учун борганини маълум қилди.
«Дунё сенинг тоғангмас» таронаси билан кўплаб мухлисларнинг қалбидан жой олган хонанда Жава «Укам» номли таронасини мухлисларига тақдим этди.
Болливуд юлдузи Алия Бҳатт турмуш ўртоғи Ранбир Капурни туғилган куни билан табриклади.
«Қадди баланд», «Оқ булут», «Жоним», «Жингаламо», «Ўйнасин» каби ва бир қанча хит тароналар ижрочиси Жаҳонгир Отажонов 29 сентябрь куни 44 ёшни қарши олди.
Хонанда Шаҳло Аҳмедова саҳифасига янги таронасига клип суратга олдириш жараёнидан видео жойлади.
Хонанда Райҳон Истанбул шаҳрининг тунги манзарасини ва кемада денгизни сайр қилаётгани акс этган видеони мухлисларига намойиш қилди.
Райҳон Ғаниева Туркияга саёҳати ўз ниҳоясига етганини ва Ўзбекистонга қайтаётганини маълум қилди.
Болливуд юлдузи Ритик Рошан ҳамкасби Саиф Али Хон билан тасодифан кўришиб қолгани ва бирга рақсга тушгани акс этган видеони саҳифасига жойлади.
Хонанда Феруза Жуманиёзова янги сурати билан кўриниш берди ва мухлисларига куз келганини, бу фаслнинг ўзгача таровати борлигини айтди, Шунингдек у мухлисларидан иссиқ кийиниб соғлиғига эътибор беришини сўраган.
Хонанда Имрон янги «Мерақсем» таронасига ишланган видеони обуначиларига ҳавола этди.
Юлдуз Усмонова турмуш ўртоғи Мансур Агалиев билан Дубайга дам олиш учун жўнаб кетди.
Инстаблогер тиктокер Liil Xurramov ҳазил тариқасида хонанда Озода Нурсаидовадан унга турмушга чиқишини сўрагани акс этган видеони саҳифасига жойлади.
Хонанда Бунёдбек Саидов Россиянинг Москва шаҳрига ўтказилиши режалаштирилган концерт дастури йўл муаммолари сабаб қолдирилганини маълум қилди.
Бир қанча хит тароналар ижрочиси Шоҳруххон «Эй ёр» таронасидаги бақалоқ образида тушган суратини саҳифасига жойлади.
Салимбойвачча актёр Фарҳод Маҳмудов билан бирга ош тайёрлади.
Болливуднинг миллионлаб мухлисларга эга актрисаларидан бири Айшвария Рай обуначиларига янги суратини кўрсатди.
Хонанда Зиёда, Бунёдбек Саидова ва «Дизайн» кулги жамоаси АҚШга виза олганини ва тез кунларда у ерда мухлислари учун концерт беришини маълум қилди.
Хонанда Умидахон Туркиянинг Истанбул шаҳрида тушган суратини саҳифасига жойлади.
Қизиқчи, актёр Шукурулло Исроилов тўртинчи марта бобо бўлганини маълум қилди.
Гулсанам Мамазоитова Самарқандда тушган сурати билан мухлисларига кўриниш берди.
Хонанда Абдулла Қурбонов фарғоналик пахтакорлар билан учрашувда далага оёқ кийими устидан целлофан пакет кийиб кирди. Абдулла Қурбоновнинг навбатдаги видеоси ҳам муҳокамаларга сабаб бўлмоқда.
Каниза обуначиларига янги суратини кўрсатди ва инсон қалбини бировга очганида жароҳат олиши мумкинлиги ҳақида гапирди.
Хонанда Гулсанам Мамазоитова «Қарашингда» номли янги таронасини мухлисларига тақдим этди.
Хонанда Имрон саҳифасига янги суратини жойлади ва мухлисларига яхши кайфият ҳамроҳ бўлишини тилади.
Мавзуга доир:
- Instagram: Феруза Норматовага уюштирилган «пранк», Равшан Намозов иштирокидаги сўнгги видео, Озодбек Назарбековдан дуо олган Жаноб Расул.
- Instagram: Даврон Асқаров никоҳ тўйидан репортаж, яна бир қизни асраб олган Диёра Усмонова, кўзойнагини Нилуфар Усмоновага совға қилган Мурод Назаров
- Instagram: Москва ситида рақс тушган Dili.me, Тимати билан учрашган Азиза Халилова, Равшан Намозовни хотирлаётган машҳурлар.
- Instagram: Отасига машина совға қилган Холиқжон вайнер, ўзини ошпазликда синаб кўрган Асал Шодиева, кекса актрисани йўқлаган Озодбек Назарбеков.
Изоҳ (0)