Россиянинг давлатчилик тақдири яқин ойларда асосий йўналиш олади. Бу ҳақда сиёсатшунос Камолиддин Раббимов Facebook’даги саҳифасида фикр билдирди.
Камолиддин Раббимовнинг ёзишича, Россиянинг келгуси тақдири Украина билан бўлаётган уруш натижаларига боғлиқ.
Россия—Украина урушининг энг муҳим тарихий-сиёсий ва геосиёсий саволи — бу «XXI асрдан Россия ўзининг империясини қайта тиклай оладими, йўқми?» бўляпти. Яқин ўтмишда ўтган барча собиқ империялар қулагач, кўп ўтмасдан ўзларининг империяларини соғинган ва империячилик қудратини у ёки бу шаклда қайта жонлантиришга, тиклашга уринган.Камолиддин Раббимовнинг қўшимча қилишича, Россия тарихида ҳарбий сафарбарлик фақат уч марта эълон қилинган: биринчи жаҳон урушида, иккинчи жаҳон урушида ва ҳозирги Путиннинг Украинага қарши эълон қилган урушида.Imperiyaлар қулаганидан кейин ҳам осонликча жон бермайди. Путин Россия империячилигини тиклашни ўзининг тарихий миссияси сифатида кўрди. Бунинг учун кўп ишлар қилди.
Лекин Украинага бостириб кирганидан сўнг, Путиннинг империячилик лойиҳаси ҳақиқий имтиҳон тарозисига тушди. Ҳарбий сафарбарлик ички тангликни кўрсатди. Лекин ХХ асрда ҳудуди жиҳатдан энг катта ва яхлит, мафкуравий агрессив, атеистик империя қурган Россиянинг давлатчилик тақдири шу ойларда асосий йўналиш олади.
Агар Украинани қисман бўлса-да ютиб, ҳазм қилишга муваффақ бўлса, империячилик лойиҳаси яшашда давом этади. Агар Украинада ютқазса, империячилик лойиҳаси ўла бошлайди. Россияда империячилик лойиҳаси ўла бошласа, Ўзбекистон ва Марказий Осиё тарихида мутлақ янги давр бошланади, — деб ёзган сиёсатшунос.
«Россия пропагандаси, давлат расмийлари бу уруш чўзиляпти, сабаби биз Украина билан эмас, НАТО ва коллектив ғарб билан уришяпмиз, демоқда. Демак, бугун Путин нафақат Украинага қарши, балки НАТО ва коллектив ғарбга қарши ҳарбий сафарбарлик эълон қилди», – дея фикрларини билдирган мутахассис.
Изоҳ (0)